Bhaarat Ke Liye Khelte Hue Dhoni Ke 10,000 Run Poore

Cricket »

Bhaarat Ke Liye Khelte Hue Dhoni Ke 10,000 Run Poore

Sydney, 12 January (bhaasha) Mahendra Singh Dhoni Bhaarat ki taraf khelte hue ekadivseeya antararaashtreeya cricket mein 10,000 run poore karne vaale paanchavein ballebaaj ban gaye hain. Dhoni ne Australia ke khilaaf shanivaar ko yahaan pehle one-day match ke dauraan yeh upalabdhi haasil ki. Match se pehle Bhaarat ki taraf se unki ranasankhya 9999 thi aur apni 51 run ki paari ke dauraan unhonne yeh mukaam haasil kiya. Dhoni ne one-day mein 10,000 run ka aankada haalaanki 2017 mein hi England daure ke dauraan chhoo liya tha lekin ismein Asia ekaadash ki taraf se Africa ekaadash ke khilaaf banaaye gaye 174 run bhi shaamil the. Shanivaar ko unhonne desh ki taraf se 10,000 run ka aankada chhuaa. Bhaarat ke liye khelte hue Dhoni se pehle jin ballebaajon ne 10,000 one-day run poore kiye the unamein sachin Tendulkar, saurav Ganguly, Rahul Dravid aur viraat Kohli shaamil hain. Dhoni ne Bhaarat ki taraf se 330 one-day mein 49.75 ki ausat se 10,050 run banaaye hain jismein nau shatak aur 67 ardhashatak shaamil hain.

Bhaarat Ke Liye Khelte Hue Dhoni Ke 10,000 Run Poore https://www.angrejinews.com/pic/247333