Bhaarat-Japan Sanyukt Nausainik Abhyaas Jald Hi

Breaking »

Bhaarat-Japan Sanyukt Nausainik Abhyaas Jald Hi

Vishesh pratinidhi nai Delhi . . Bhaarat aur Japan saamarik va raksha rishton ko aur behtar karne ke liye aapasi vaartaaon ke kai daur chalaaenge. Donon deshon ne saajha nausainik abhyaas ka doosra daur jald hi shuroo karne ka faisala kiya hai. Iske alaava, donon desh is saal samudri suraksha ke maamalon par bhi baatcheet kareinge. Prashaant mahaasaagar mein Japan aur cheen ke beech chal rahe maujooda tanaav ke beech Bhaarat ne Japan ke saath nausainik taalamel badhaane ka yah aham faisala liya hai. Donon deshon ke videsh mantriyon ke beech pichhle saptaah tokiyo mein hui mulaakaat ke dauraan saamarik rishton ko aage badhaane ke liye baatcheet aur salaah mashavira jaari rakhane ka faisala kiya gaya hai. Gaurtalab hai ki Bhaarat aur Japan dakshin cheen saagar mein cheen ke aakraamak ravaiye se vyaapaarik aavaagaman mein baadha padne ko lekar chintit hain. Bhaarat ka aadha se adhik aayaat-niryaat dakshin cheen saagar se hi hokar hota hai aur Japan bhi is samudri ilaake ka istemaal apni arthavyavastha ko aage badhaane ke liye karta hai. Is samudri maarg ka antararaashtreeya vyaapaar ke liye nirbaadh roop se khula rahana Bhaarat aur Japan donon ke liye kaafi aham hai. Ullekhaneeya hai ki Bhaarat aur cheen ne bhi jald hi samudri vaarta ka pehla daur karne ka faisala kiya hai, lekin iski tithiyaan abhi ghoshit naheen hui hain. Is vaarta mein bhi Bhaarat dakshin cheen saagar mein apni chintaaon ko lekar do took baat karega. Ullekhaneeya hai ki cheen ne dakshin cheen saagar mein kuchh dveepon par apna daava kiya hai, jiski vajah se cheen ke Japan aur dakshin poorv Asiaee deshon ke saath gahre vivaad chal rahe hain.

Bhaarat-Japan Sanyukt Nausainik Abhyaas Jald Hi https://www.angrejinews.com/pic/4681