Bhaarat Band Ka Doosra Din, Noida Mein Hinsa Ke Maamale Mein 71 Giraftaar

India »

Bhaarat Band Ka Doosra Din, Noida Mein Hinsa Ke Maamale Mein 71 Giraftaar

Nai Delhi: Desh ke 11 bade trade unionon ki raashtravyaapi hadtaal ka aaj doosra din hai. Kai shaharon mein kal ki tarah aaj bhi bank band hain aur parivhan sevaaen prabhaavit hain. Noida mein kal faiktariyon aur gaadiyon mein todfod aur aagajani ke baad aaj kadi suraksha vyavastha hai. Hadtaal ke dauraan kal Noida mein 25 se jyaada vaahan foonk daale gaye, jiske baad police ne 71 logon ko giraftaar kiya hai. Maamale ko gambheerta se lete hue Meerut ke sanbhaageeya aayukt ne varishth adhikaari dvaara maamale ki jaanch ka aadesh diya hai. Esaechao ka tabaadala kar diya gaya hai aur police line haajir kiya gaya hai, jabki do policekarmi aur itne hi damakalakarmi hinsa mein ghaayal hue. Kaamagaaron ne Noida phase 2 ilaake mein audyogik sampatti ko nuksaan pahunchaaya. Police se mili jaankaari ke anusaar kaamagaaron ne sector 82 se greater Noida ke pravesh sthal ke beech ek car, ek bas aur ek damakal engine ko aag laga di gayi. Vyaapaariyon ne kaha ki log andar ghus gaye aur lootpaat ki. Hadtaal se desh ke vibhinn hisson mein banking sevaaen thap raheen aur saarvajanik parivhan seva baadhit huin. Udhar, hinsa mein Haryana mein ek union neta ki maut ho gayi. Kerala, tripura aur Bihar hadtaal se sabse adhik prabhaavit raajyon mein shaamil rahe, jahaan janajeevan buri tarah se prabhaavit huaa, jabki Orissa aur Karnataka mein hinsa ki chhitput ghatnaaen saamane aain. Kai shaharon mein virodh March nikaale gaye.

Bhaarat Band Ka Doosra Din, Noida Mein Hinsa Ke Maamale Mein 71 Giraftaar https://www.angrejinews.com/pic/2443