Bhaarat Band Doosare Din Bhi Banking Kaamkaaj Par Asar

Business »

Bhaarat Band  Doosare Din Bhi Banking Kaamkaaj Par Asar

Nai Delhi: Saarvajanik kshetr ke bank karmachaariyon ki hadtaal doosare din bhi jaari hai, jisse saamaanya banking kaamkaaj par asar pada hai. Do divseeya hadtaal ka aahvaan United forum of bank union (UFBU) ne kiya hai. Ismein nau raashtreeya union shaamil hain. Haalaanki ICICI bank tatha HDFC bank samet niji kshetr ke bankon mein kaamkaaj saamaanya raha. Elaaaisi tatha new India inshyoreins samet saarvajanik kshetr ki beema companiyon ke karmachaari bhi hadtaal mein shaamil hain. Hadtaal ke kaaran Budhvaar ko desh bhar mein check ke niptaan, electronic kosh hastaantaran, videshi vinimay len-den tatha mudra baajaar gatividhiyaan prabhaavit huin. Taaja report ke anusaar aaj sthiti jas-ki-tas bani hui hai. Hadtaal ke kaaran saamaanya banking gatividhiyon ke prabhaavit hone ki aashanka ke maddenajar bankon ne pehle hi apne graahakon ko is baare mein jaankaari day di thi. Sootron ne kaha ki bankon ne yah sunishchit karne ke liye kadam uthaaya hai ki hadtaal ke dauraan kam-se-kam nakadi ke morche par graahakon ko dikkat naheen ho. Iske maddenajar ATM mein paryaapt maatra mein nakadi daali gayi thi. Haalaanki iske baavajood vaanijyik sthaanon par sthit kuchh ATM mein nakadi khatm ho gayi. Bank union karmachaariyon ke vetan sameeksha jaldi kiye jaane ki maang kar rahe hain. Unka kehna hai ki yah November, 2012 se lambit hai. Ve banking kshetr mein kiye ja rahe sudhaaron tatha bankon ke vilay yojana ka virodh kar rahe hai. Desh mein saarvajanik kshetr ke 26 bank hain, jismein kareeb 10 lakh karmachaari kaaryarat hain.

Bhaarat Band Doosare Din Bhi Banking Kaamkaaj Par Asar https://www.angrejinews.com/pic/2449