Bhaarat Abu Dhabi Pustak Mele Mein Vishisht Atithi Hoga

World »

Bhaarat Abu Dhabi Pustak Mele Mein Vishisht Atithi Hoga

Abu Dhabi Bhaarat agale hafte yahaan hone vaale 29 vein Abu Dhabi antararaashtreeya pustak mele mein vishisht atithi hoga. Is mele mein 50 deshon se 100 se adhik prakaashak hissa leinge. Bhaarateeya dootaavaas ki upapramukh smita pant ne yahaan samvaadadaata sammelan mein bataaya ki bhaarateeya raashtreeya pustak nyaaya is mele mein mashahoor lekhakon, prakaashakon, saahityik hastiyon aur kalaakaaron ke 100 sadasyeeya pratinidhimandal ki aguvaai karega. Khaleej taaims ki khabar hai ki preeti shenauya, deepak unneekrushnan, manoj das, indoo Menon, oordoo lekhak ratan Singh aur hindi lekhak divik ramesh jaisi hastiyaan bhaarateeya pratinidhimandal mein hongi. Pant ne kaha, 'Vishisht atithi ke roop mein Bhaarat ki bhaageedaari Bhaarat evam sanyukt arab ameeraat ke beech gahre rananeetik sambandh ka parichaayak hai. ' Unhonne kaha, 'Haal hi mein manaarat al saadiyaat mein khula jaayed Gandhi digital sangrahaalaya in donon mahaapurooshon ki shikshaaon aur jeevanavrut ko pesh karta hai tatha yeh donon deshon ke beech saanskrutik sahayog ka udaaharan hai. Saanskrutik sahayog donon deshon ke sambandhon ka hissa hai. ' unhonne kaha ki is pustak mele mein Bhaarat ki sabse badi veethika hogi. Angreji aur anya bhaarateeya bhaashaaon ke mashahoor lekhakon ke alaava bhaarateeya veethika mein prabhaavi saanskrutik kaaryakram, kaavya satr aur kaaryashaalaaen bhi hongi.

Bhaarat Abu Dhabi Pustak Mele Mein Vishisht Atithi Hoga https://www.angrejinews.com/pic/268283