Bhaajapa Sansadeeya Board Ki Baithak 17 May Ko Delhi Mein Rajnath Singh

Breaking »

Bhaajapa Sansadeeya Board Ki Baithak 17 May Ko Delhi Mein  Rajnath Singh

File photo File photo Gandhinagar: bhaajapa sansadeeya board ki baithak Loksabha chunaav ke nateeje aane ke ek din baad 17 May ko Delhi mein bulaai gayi hai. Ismein Narendra Modi ko bhaajapa aur raajag sansadeeya paartiyon ka neta chunane ke liye yathaasheeghr baithak bulaane ke samay ko antim roop diya jaaega. bhaajapa adhyaksh Rajnath Singh ne Modi ke aavaas par party ke kor group ke netaaon ki teen ghante ki baithak ke baad der raat samvaadadaataaon se baatcheet mein kaha, 'Mainne Narendra bhaai se 17 ko Delhi aane ko kaha hai. Main sansadeeya board ki baithak us din bulaaoonga taaki aupachaarik taur par Narendra bhaai ko hamaara neta nirvaachit karne ke liye bhaajapa sansadeeya dal ki yathaasheeghr baithak bulaane ki taareekh par faisala kar sakein. ' Rajnath ne kaha ki sansadeeya board ki baithak mein party ke varishth neta agali sarkaar mein kya bhoomika nibhaaenge ispar bhi faisala kiya jaaega. Unhonne is mudde par bhaajapa netaaon ke beech kisi bhi prakaar ka daraar hone ki baaton ka khandan kiya. gaurtalab hai ki bhaajapa sansadeeya board bhaajapa ka nirnaya karne vaala sarvochch manch hai. ek savaal ke javaab mein unhonne kaha ki Gujarat ke agale mukhyamantri ke baare mein bhi faisala bhaajapa sansadeeya board ki baithak mein kiya jaaega. Rajnath ke atirikt kor group mein Modi, arun jetali aur nitin gadkari hain. Singh ne kaha, 'Main raajag ke sabhi sahayogi dalon se anurodh karoonga ki ve apna samarthan dein. Unhonne hamein samarthan diya hai kyonki ve hamaare sahayogi dal hain, lekin unki maujoodagi mein unhein (Modi) aupachaarik taur par neta nirvaachit kiya jaana chaahiye. '

Bhaajapa Sansadeeya Board Ki Baithak 17 May Ko Delhi Mein Rajnath Singh https://www.angrejinews.com/pic/50579