Bhaaiyon Se Sampatti Vivaad Mein Ulajhe Dileep Kumar

Movies »

Bhaaiyon Se Sampatti Vivaad Mein Ulajhe Dileep Kumar

Beete jamaane ke mashahoor aiktar dileep Kumar ne Mumbai haai court mein halafnaama daakhil kiya hai, jismein kaha gaya hai ki unke bhaaiyon ka unki prauparti par kaanooni roop se koi hak naheen hai. Unhonne yeh halafnaama apne bhaaiyon ke saath kathit roop se karaar karne ke saat saal baad darj karaaya, jiske mutaabik unhein apne bhaaiyon ko shahar mein alag se makaan dene the. Dileep Kumar ki patni, saayara baano, dvaara daakhil kiye gaye is halafanaame mein yeh bhi bataaya gaya hai ki dileep Kumar ke paas apne bhaaiyon ko nae makaan lekar dene ke liye paise naheen hain. Aiktar apne bhaaiyon- ehsaan (82) aur asalam (80), ke saath sampatti vivaad mein ulajhe hain. Bataaya gaya hai ki karaar 'Maanaveeya aadhaar' par kiya gaya tha aur asalam aur ehsaan is 'Maanaveeya madad' ka galat faayda utha rahe hain. Gaurtalab hai, isse pehle isi saal dileep Kumar ke bhaai unhein aur us company ko, jo unke 48, paali hil sthit ghar ko dobaara bana rahi hai, court le ja chuke hain. Ve June 2007 mein unke beech hue karaar ko amal mein laane ke liye court gaye the. Is karaar ke mutaabik, ehsaan ko 1200 skveyar feet ka ek flat dobaara viksit ki gayi bilding mein diya jaana tha aur asalam ko ek 800 skveyar feet ka flat diya jaana tha. Haalaanki, dileep Kumar ke halafanaame ke mutaabik, vah bangala jismein vah apni patni aur bhaaiyon ke saath rah rahe the, use unhonne khud apni kamaai se 1953 mein khareeda tha, lekin unhonne apne bhaaiyon ko vahaan rahane ki ijaajat di hui thi. Bata dein ki bangale ka plaut ek khataaoo trast ke naam hai. Is trast ne hasan chamaruddeen ke paksh mein 999 saalon ke liye kiraae ki deal sign ki thi, jinse dileep Kumar ne raaits khareed liye the. 2006 mein dileep Kumar ne bangale ko dobaara viksit karne ka tay kiya aur sharayans risorses limited ke saath usi saal June mein karaar sign kiya. Tab unhonne apne bhaaiyon se bangala khaali karne ke liye kaha kyonki use bildar ko saunpana tha, jis par ehsaan aur asalam ne inkaar kar diya. Tab donon ne saayara baano se sampark kiya, jinhonne unke liye maanaveeya madad ke aadhaar par hastakshep kiya tha. Halafanaame ke mutaabik, 2007 mein kiye gaye karaar ke chalte donon bhaai ab jabardasti hak jata rahe hain. Aaya kahaani mein tvist is kahaani mein tvist tab aaya jab prauparti ke asal maalik, khataaoo trast ke uttaraadhikaariyon ne Kumar ke khilaaf laghuvaad nyaayaalaya mein jagah khaali karaane ke liye mukadama daayar kiya. Isi ke saath bildar ne bhi construction ka kaam aage badhaane se inkaar kar diya, jisse nai bilding adhoori hi rah gayi. Jahaan ek or, aiktar ke bhaai alag se ghar ki demand par ade hain, vaheen Kumar ke halafanaame ke mutaabik yeh tab hi sambhav ho paaega jab unka 48, paali hil sthit bangala dobaara viksit ho jaae. Naheen to, unhonne court se kaha hai ki unke paas kaheen aur makaan khareedne ke paise naheen.

Bhaaiyon Se Sampatti Vivaad Mein Ulajhe Dileep Kumar https://www.angrejinews.com/pic/55438