Beyarastau Ke Shatak Se England Ki Pakistan Par Romaanchak Jeet

Cricket »

Beyarastau Ke Shatak Se England Ki Pakistan Par Romaanchak Jeet

Bristol, 15 May (eefapi) jaani beyarastau ke shatak ki madad se England ne mangalvaar ko yahaan bade score vaale teesare ekadivseeya antararaashtreeya cricket match mein Pakistan ko chhah wicket se haraaya. England ke saamane 359 run ka lakshya tha aur usane beyarastau ke 128 run ki madad se chaar wicket khokar ise haasil kar diya. Iske saath hi usane dikhaaya ki usaki team bada lakshya bhi haasil kar sakti hai. England amooman pehle ballebaaji karna pasand karta hai lekin vishv cup ko dhyaan mein rakhate hue kaptaan eon morgan ne team ko lakshya ka peechha karne ka anubhav dilaane ke liye pehle kshetrarakshan ka faisala kiya. beyarastau ne jaisan Roy (76) ke saath pehle wicket ke liye 159 run ki saajhedaari ki. In donon ke alaava jo root 43, moin Ali ne naabaad 46, ben stoks ne 37 aur morgan ne naabaad 17 run banaaye jisse England ne 31 geind shesh rahate hi lakshya haasil kar diya. Is jeet se England ne paanch maichon ki shrrunkhala mein 2-0 se badhat bana li hai. isse pehle Pakistan ne imaam ul hak (151) ke career ke sarvochch score ki madad se nau wicket par 358 run banaaye the. Unke alaava Asif Ali (52) ki 50 run tak pahunche the. England ki taraf se kris voks ne 67 run dekar chaar wicket liye. eefapi pant monaamona.

Beyarastau Ke Shatak Se England Ki Pakistan Par Romaanchak Jeet https://www.angrejinews.com/pic/274737