Beti Ki Laash Lekar Thaane Pahuncha Pita

India »

Beti Ki Laash Lekar Thaane Pahuncha Pita

ek samvaadadaata . Sahaaranapur yahaan ek pita apni beti ki laash lekar thaane pahanucha. Pita ne apne daamaad ke khilaaf thaane mein dahej ke liye beti ko jalaakar maarane ka aarop lagaaya. Unka aarop tha ki Hyderabad mein byaahi usaki beti ki hatya ki gayi hai. Thaana dehaat kotavaali ke gaanv shekhapura kadeem nivaasi ameer Ahmad ne apni beti Fatima ki shaadi 20 November 2011 ko behat ke gaanv Raipur nivaasi lateef se ki thi. Shaadi ke baad lateef apni patni ko lekar Hyderabad ke habeebapur chala gaya tha aur vaheen par rahane laga tha. Somvaar raat ameer apni beti ke shav ko lekar behat thaane pahanucha aur Fatima ke pati ke khilaaf kaarravaai ki maang ki. Ameer ka aarop hai ki usaka daamaad usaki beti ko dahej ke liye pareshaan karta tha. Saath hi unka kehna hai ki daamaad ka kisi anya mahila se bhi avaidh sambandh the. Do din pehle hi unhein soochana mili thi ki unki beti ki Hyderabad ke ek aspataal mein maut ho gayi hai. Ve Hyderabad pahanuche or shav ka antim sanskaar sahaaranapur mein hi karne ki guhaar Hyderabad police se ki. Is par vahaan ki police ne ameer ko Fatima ki laash saunp di. Ameer ne is maamale ki report Hyderabad ke thaane mein darj kara di hai, jabki behat thaane mein vah dahej utpeedn ka mukadama darj karna chaahata tha. Behat police ne ameer ko aashvaasan diya ki ve Hyderabad police se is maamale mein sampark kareinge.

Beti Ki Laash Lekar Thaane Pahuncha Pita https://www.angrejinews.com/pic/7280