Bete Ki Naukri Ke Liye Ab Maan Chadhi Tower Par

India »

Bete Ki Naukri Ke Liye Ab Maan Chadhi Tower Par

ek samvaadadaata . Sahaaranapur sahaaranapur mein logon ne oonche taavaron ko apni maangein manavaane ka jariya bana liya hai. Kuchh din pehle jahaan ek kisaan traiktar agency ke maalik ki kaaragujaari se pareshaan hokar nyaaya paane ke liye railway ke 400 fut oonche tower par chadh gaya tha, vaheen ab ek mahila apne bete ki naukri ke liye kisi doosare tower par chadh gayi. Bataaya ja raha hai ki kisaan jis tower par chadha tha, us ghatna ke baad usaki bairikeding kar di gayi thi. Is vajah se mahila ne kisi doosare tower ko apni maang manavaane ka jariya banaaya. Doosari taraf, mahila ke tower par chadhne ki soochana milte hi prashaasanik adhikaari harkat mein aae. Mauke par pahunchane adhikaariyon aur policekarmiyon ne hila se neeche utarane ki guhaar lagaai, lekin vah raaji naheen hui. Bataaya ja raha hai ki mahila mahima Singh moolaroop se UP ke baliya ki rahane waali hai. Usaka pati avadhesh prasaad sahaaranapur ki ek pepar mil mein kaam karta tha. Varsh 2005 mein avadhesh ki maut ke baad parijanon ne mil prabandhan se uske bete maarutinandan ko aashrit kote se naukri dene ki guhaar lagaai thi. Is par mil prabandhan ne avadhesh prasaad ke bete ko naukri par rakhane ke liye apreintis ki shart rakhate hue usase 3 varsh tak kaam karaaya. Mahima Singh ka aarop hai ki uske bete ko niyamit naheen kiya ja raha hai. Mahila ne adhikaariyon se kaha ki jab tak uske bete samet 14 mrutak kaamagaaron ke aashriton naukri par naheen rakha jaata, vah neeche naheen utaregi. Khabar likhe jaane tak mahila tower par thi, vaheen prashaasan aur mil prabandhan ke beech samasya ke samaadhaan ke liye baatcheet ki ja rahi thi.

Bete Ki Naukri Ke Liye Ab Maan Chadhi Tower Par https://www.angrejinews.com/pic/4394