'Beta To Haar Gaya Chunaav, Rahul Ko PM Banaaenge

Breaking »

'Beta To Haar Gaya Chunaav, Rahul Ko PM Banaaenge

Lucknow. . SP supreemo mulaayam Singh Yadav ne keindreeya ispaat mantri beni prasaad varma par fir hamla karte hue guruvaar ko kaha ki jis vyakti ka beta apne homataaun se chunaav haar gaya ho aur usaki jamaanat tak na bach paai ho, vah Rahul Gandhi ko desh ka agala pradhaanamantri banaane ki baatein kar raha hai. Yah kaise sambhav hai? Gaurtalab hai ki beni kabhi mulaayam ke kareebi sahayogi the. 'Rahul ke baare mein Congress tay karegi' mulaayam ne kaha ki Rahul Gandhi ke baare mein jo kuchh tay karna hai, vah Congress hi karegi. Vaise, jo (beni prasaad) apne bete ki jamaanat naheen bacha paae, vaheen unhein pradhaanamantri banava rahe hain. Gaurtalab hai ki beni prasaad varma ke bete Rakesh varma pichhle saal uttar pradesh vidhaanasabha chunaav mein apne gruh janapad baaraabanki ki dariyaabaad seat se Congress ke tikt par chunaav lade the, lekin vah apni jamaanat bhi naheen bacha sake the. 'Beni musalmaan virodhi' SP pramukh ne aarop lagaaya ki mulaayam musalmaanon ke samarthan mein aavaaj uthaate rahate hain. Isliye beni ne un par aatankiyon ko sanrakshan dene ka aarop lagaaya. Jabki hakeekat yah hai ki varma khud hamesha musalmaanon ke virodhi rahe hain. Keindreeya mantri ke bayaan ko Congress adhyaksh soniya Gandhi ne bhi bura maana tha. Yah soniya ka badppan tha. 'Congress ghotaalon ki sarkaar' Yadav ne daava kiya ki unhonne UPA sarkaar ko mushkil samay mein bachaaya, iske baavajood Congress ne unke peechhe CBI ko laga diya. Unhonne kaha ki Congress ke netrutv mein UPA sarkaar ghotaalon ki sarkaar hai. Kisaan karj maafi ghotaala, koyala blauk aavantan ghotaala, 2 ji ghotaala aur helikauptar khareed ghotaala UPA sarkaar ki hi den hain. 'Advani ka samarthan naheen' mulaayam ne kaha ki unhonne BJP neta Lal Krishna Advani ka na to kabhi samarthan kiya hai aur na hi kabhi kareinge. Unhonne kaha ki baabari masjid ko tootane se bachaane ke liye SP sarkaar ko kade kadam uthaane pade the, lekin usase desh ki ekta ki raksha hui thi. Main kisi se darata naheen hoon. Isliye khulkar bol raha hoon. 'Media SP ke khilaaf' SP supreemo ne kaha ki media ka rukh unke aur unki party ke paksh mein naheen hai. Isliye UP ki kaanoon-vyavastha ko mudda banaaya ja raha hai. Pradesh mein kaanoon-vyavastha behtar hai aur mukhyamantri Akhilesh Yadav apne poorv samakakshon ke mukaabale behtar kaam kar rahe hain.

'Beta To Haar Gaya Chunaav, Rahul Ko PM Banaaenge https://www.angrejinews.com/pic/3824