Beta Naheen Huaa To Beevi Ko Jalaane Ki Koshish

India »

Beta Naheen Huaa To Beevi Ko Jalaane Ki Koshish

ek samvaadadaata . Sahaaranapur nagar kotavaali ke tahat upavan vihaar colony mein beta na hoene par ek mahila ko kathit taur par uske pati ne jinda jalaane ki koshish ki. Aaropi sharaabi pati ko police jab medical ke liye le jaane lagi to usane police ki gaadi se dhamola nadi mein kood gaya. Ghaayal haalat mein police aaropi ko apne saath le gayi. Thaana mandi ke raayavaala nivaasi ishaad Ahmad ki beti saajiya paraveen ki shaadi 23 February 2001 ko nagar kotavaali ke upavan vihaar colony noor basti nivaasi naved putr Iqbal ke saath hui thi. Shaadi ke baad saajiya ne teen betiyon ko janm diya. Usaka aarop hai ki beta na hone ki vajah se sasuraal vaale usaka utpeedn karte rahe. Aarop hai ki naved apne pita ke ukasaane par sharaab peekar ghar aaya aur saajiya ke oopar mitti ka tel daalkar use jinda jalaane ki koshish ki. Saajiya ke shor machaane par padosi mauke par pahunch gaye. Logon ne saajiya ko bachaate hue police ko maamale ki jaankaari di. Ghatna ki jaankaari milte hi police mauke par pahanuchi aur sharaab ke nashe mein dhut naved ko medical ke liye lekar jaane lagi. Is dauraan vah raaste mein dhamola nadi mein koodakar ghaayal ho gaya. Police maamale ki jaanch kar rahi hai. Beemaar mahila ne kiya aatmadaah vaheen, ek anya maamale mein maanasik beemaari se joojh rahi ek mahila ne khud par mitti ka tel daalkar apne ko aag ke havaale kar liya. Use bachaane ki koshish mein mahila ka pati bhi jhulas gaya. Dono ko jhulasi haalat mein aspataal mein bharti karaaya gaya, jahaan mahila ne dam tod diya. Thaana naagal ke gaanv gajhedi nivaasi 55 saal ke naseem aur usaki beevi 50 saal ki shakeela ko parijanon ne jhulasi haalat mein aspataal mein bharti karaaya. Naseem ke bhateeje faijaan ne bataaya ki shakeela pichhle chaar saal se maanasik rog ki shikaar thi. Aur isi se pareshaan hokar usane apne ko aag ke havaale kiya hoga. Police maamale ki jaanch kar rahi hai.

Beta Naheen Huaa To Beevi Ko Jalaane Ki Koshish https://www.angrejinews.com/pic/7910