Beparavaah Hokar Khelna Hoga Gambhir

Cricket » Tuesday, April 2, 2013

Kolkata. . Kolkata Knightriders ke kaptaan Gautam gambhir ne aaj kaha ki maujooda champion hone ke kaaran unki team par kisi tarah ka dabaav naheen hoga aur vah Delhi Daredevils ke khilaaf kal hone vaale pehle match mein beparavaah cricket khelna chaaheinge. Gambhir ne aaj yahaan match ki poorv sandhya par kaha, 'Humne khud par se bojh hata diya hai. Ab maidaan par utarakar beparavaah cricket khelne ka samay hai. Maujooda champion hone ke kaaran ham par kisi tarah ka atirikt dabaav naheen hai, isse to hamaara atirikt aatmavishvaas badhega. Kekeaar bahut lokapriya team bhi hai. ' gambhir se poochha gaya ki kya vah IPL ko raashtreeya team mein vaapasi ke manch ke taur par upayog kareinge, unhonne kaha, 'Main is IPL ko maujooda championship ke roop mein dekh raha hoon. Main vyaktigat cheejon ke liye naheen khelta. Main kekeaar team se khelta hoon aur main pichhle champion ke taur par khel raha hoon. Isse badhkar aur kuchh naheen hai. ' unhonne kaha ki maansapeshiyon ke khinchaav se joojh rahe New Zealand ke visfotak ballebaaj breindan McCollum ki anupasthiti ka team par asar naheen padega. Gambhir ne kaha, 'Hamaari team mein kai behatareen khilaadi hain. Ab maidaan par utarakar avsar ka faayda uthaane ka samay hai. ' Delhi ko maurne Morkel ki kami khalegi kyonki yah dakshin afreeki tej geindabaaj Ram slam ti-20 chaileinj mein apni ghareloo team taaitans ki taraf se khel raha hai. Morkel ke baare mein gambhir ne kaha, 'Ham kisi khilaadi ke baare mein baat naheen karna chaahate hain ki vah kaisa hoga. Ham kisi ek khilaadi ke baare mein naheen sochate. Ham cricket khel rahe hain aur yah team khel hai.