Beni Ke Khilaaf Akhilesh Ne Sambhaala Morcha

Breaking »

Beni Ke Khilaaf Akhilesh Ne Sambhaala Morcha

Lucknow. . Congress aur samaajavaadi party (SP) mein jaari shah-maat ka khel jubaani jang ki vajah se talkh hota ja raha hai. Mulaayam Singh Yadav ke dhur virodhi keindreeya ispaat mantri beni prasaad varma ne kaha ki agale Loksabha chunaav mein UP mein samaajavaadi party ka safaaya ho jaaega aur party ki arthi ko kandha dene ke liye chaar seatein hi mileingi. Iske javaab mein uttar pradesh ke mukhyamantri Akhilesh Yadav ne bhi bhavishyavaani kar daali ki Congress ko soobe mein 4-5 seatein hi mileingi. Kabhi mulaayam Singh ke dost rahe beni ne ek baar fir apne chir-parichit andaaj mein samaajavaadi party par nishaana saadha hai. Is baar beni babu balaraamapur mein Loksabha chunaavon ki bhavishyavaani kar rahe the. Unhonne kaha ki Loksabha chunaav mein SP 4 seaton par chunaav jeetegi aur yahi 4 saansad party ki arthi ko kandha deinge. Agar beni babu ki bhavishyavaani par najar daaleinge to aap bhi dang rah jaaenge. Beni prasaad varma ne kaha ki UP mein Congress sabhi 80 seaton par ladegi aur 40 par jeetegi. BJP ko 10 se jyaada seatein naheen lene deinge. Bahanaji (maayaavati) 36 seaton par jeeteingi. Unki bhavishyavaani ke mutaabik, ismein 4 saansad SP ko jod dein to soobe mein seaton ki sankhya 90 tak pahuncha jaaegi. Ye 10 jyaada seatein kahaan se aaengi, iske baare mein beni babu ne kuchh naheen kaha. Beni babu ke bayaan par SP neta Ram aasare Kushwaha ne kaha hai ki unka maanasik santulan bigad gaya hai. Durbhaagya hai ki kendra sarkaar mein aise vyakti ko mantri bana huaa hai. Beni ko tatkaal barkhaast kiya jaana chaahiye. Iske pehle beni prasaad varma ki bayaanbaaji se tang aae mulaayam Singh Yadav ne kaha ki beni baar-baar kehte rahate hain ki Rahul Gandhi pradhaamanantri baneinge. Unhonne kaha ki pradhaanamantri kaun banega iska faisala to Congress party karegi, par jo vyakti apne ladke ki jamaanat naheen bacha paaya vah Rahul Gandhi ko pradhaanamantri banava raha hai.

Beni Ke Khilaaf Akhilesh Ne Sambhaala Morcha https://www.angrejinews.com/pic/3876