Bengaluru Mein Bachchi Se Badasalooki Ke Maamale Mein School Ka Sketing Prashikshak Giraftaar

Breaking »

Bengaluru Mein Bachchi Se Badasalooki Ke Maamale Mein School Ka Sketing Prashikshak Giraftaar

Bengaluru: chhah saal ki chhaatra ke saath kathit balaatkaar ke silsile mein police ne aaj school ke ek sketing prashikshak ko giraftaar kiya hai. Do July ko hui is ghatna mein yeh pehli giraftaari hai. Yeh maamala police shikaayat darj hone ke baad 14 July ko prakaash mein aaya tha. Vaheen is beech ghatna ko lekar shahar mein chauthe din bhi virodh pradarshan jaari raha. Bengaluru ke police aayukt raaghaveindr auraadhakar ne bataaya, 'Sketing prashikshak mustafa ko giraftaar kiya gaya hai. ' is veebhats ghatna mein koi giraftaari naheen hone ke kaaran police ke viruddh janaakrosh badh raha tha. Is ghatna ke khilaaf shahar mein pradarshan bhi hue. police dvaara is maamale mein nishkriyta dikhaae jaane ke viruddh janaakrosh badhne ke beech saamaajik kaaryakartaaon aur shahar ke vibgyor school ke chhaatron ke abhibhaavakon ne yahaan freedom park mein pradarshan kiya. Isi school mein yeh ghatna hui thi. in pradarshanon ne raajaneetik rang lena shuroo kar diya hai, kyonki BJP ke alpasankhyak morcha ne pradarshan kar maang ki ki police doshi ko turant giraftaar kare aur samay rahate kaarravaai naheen karne ke kaaran school prabandhan ko dandit kiya jaae. virodh jhel rahe auraadhakar ne aaj pradarshanakaariyon ko din mein aashvaasan diya ki doshi aur maamale mein 'Nishkriyta' baratne vaale school prabandhan ke khilaaf kaarravaai ki jaaegi. Bengaluru police aayukt auraadhakar ne kaha, 'Humne haal mein bina suraag vaale kai maamalon ko hal kiya hai aur ham vibgyor school balaatkaar maamale ko bhi sulajha leinge. ' vaheen vipakshi dalon ne raajya mein ho rahi balaatkaar ki vibhinn ghatnaaon ko lekar sarkaar par hamla bola aur gruhamantri keje George ke isteefe ki maang ki hai.

Bengaluru Mein Bachchi Se Badasalooki Ke Maamale Mein School Ka Sketing Prashikshak Giraftaar https://www.angrejinews.com/pic/57749