Bengaluru Ka Khel Bigaadkar Kotla Mein Saakh Bachaane Utareinge Daredevils

Cricket »

Bengaluru Ka Khel Bigaadkar Kotla Mein Saakh Bachaane Utareinge Daredevils

Nai Delhi. . Khitaab ki daud se pehle hi baahar ho chuki Delhi Daredevils shukravaar ko yahaan jab royal Challengers Bengaluru ke khilaaf apne ghareloo maidaan Ferozshah Kotla par is season ka aakhiri IPL match khelne ke liye utaregi to uske saamane sabse badi chunauti visfotak kris Gale se nibatne ki hogi, jinhonne pichhle saal yahaan apni ballebaaji se toofaan la diya tha. Ab tak 12 match mein keval teen mein jeet darj karne waali Delhi ke playoff mein pahunchane ke sapane chakanaachoor ho chuke hain aur vah ab pratishtha bachaane, aakhiri sthaan par aane se bachane aur virodhi teemon ke sameekaran bigaadne ki koshish karegi. Vaheen Bengaluru ke liye yah match kaafi mahatvapoorn hai. Ab tak 12 match mein saat jeet se viraat Kohli ki aguvaai waali team playoff ki daud mein bani hui hai lekin top chaar mein jagah banaane ke liye chhah teemon ke beech chal rahi kadi jang mein aage kuchh bhi galati use bhaari pad sakti hai. Bengaluru ne pichhle chaar maichon mein se teen mein haar jheli hai, svaabhaavik hai ki isse uske liye aage ki raah kathin ho gayi hai. Pauints table mein 14 ank lekar chauthe sthaan par kaabij yah team pichhle match mein kings eleven Punjab ke David Miller ke hairatangej pradarshan se ubarakar jeet ki laya pakadne ke liye betaab hai kyonki ab ek bhi haar use aage agar-magar ke bhanvar mein fansa sakti hai. Punjab ke khilaaf Bengaluru ki jeet tay lag rahi thi, lekin Miller ne keval 38 geind par shatak thokakar paasa palat diya tha. Bengaluru ki team ise bhulaakar Kotla mein pichhle saal ke apne pradarshan se prerana lene ki koshish karegi. Gale ne tab 62 geindon par 13 chhakkon ki madad se naabaad 128 run banaae the.

Bengaluru Ka Khel Bigaadkar Kotla Mein Saakh Bachaane Utareinge Daredevils https://www.angrejinews.com/pic/8185