Bengaluru Havaaiadda Ne Upayogakarta Shulk Mein 120 Pratishat Ki Badhotri Ki

Business »

Bengaluru Havaaiadda Ne Upayogakarta Shulk Mein 120 Pratishat Ki Badhotri Ki

Bengaluru, 15 April (bhaasha) yaatriyon ke liye Bengaluru havaaiadde se vimaan yaatra karna mahanga hone wala hai. Havaaiadda shulk niyaamak havaaiadda aarthik niyaamak praadhikran (eiaarae) ne is havaai adde se yaatra karne vaale yaatriyon se ticket ke saath vasoole jaane vaale upayogakarta vikaas shulk mein 120 pratishat ki bhaari vruddhi kiye jaane ko manjoori di hai. Nayi dar chaar maheene ke liye hai. nayi Delhi aur Mumbai ke baad desh ka is teesara sabse vyast havaaiadde ki vistaar pariyojanaaon ke liye dhan jutaane hetu yeh anumati di gayi hai. Bengaluru havaaiadda ne somvaar ko ek bayaan mein kaha, ''Eiaarae ke aadesh ke saath ghareloo udaan ke liye upayogakarta vikaas shulk (yoodeeef) ko 139 rupaye se badhaakar 306 rupaye kar diya gaya hai. Vaheen antararaashtreeya udaanon ke maamale mein yeh 1,226 rupaye hoga jo pehle 558 rupaye tha. '' nai darein mangalvaar se prabhaavi hongi. bayaan mein kaha gaya hai ki ghareloo aur antararaashtreeya yaatra ke liye naye shulk mein kramash: 120 pratishat aur 119 pratishat ki badhotri ki gayi hai. sanshodhit shulk 16 April se 15 August ke beech khareede gaye ticket par laagoo hoga. Badha hua shulk 16 August se vaapas le liya jaaega. kul 13,000 karod rupaye ki vistaar yojana ke doosare charan mein naye terminal ka nirmaan, doosra runway, sadak tak pahunch aur malti-model transport kendra ka nirmaan shaamil hain. In kaaryon ko March 2021 tak poora kiye jaane ka lakshya hai.

Bengaluru Havaaiadda Ne Upayogakarta Shulk Mein 120 Pratishat Ki Badhotri Ki https://www.angrejinews.com/pic/268081