Bengaluru Blaast Indian Mujaahideen Shak Ke Ghere Mein

Breaking »

Bengaluru Blaast Indian Mujaahideen Shak Ke Ghere Mein

arun Dixit nai Delhi. . Bengaluru mein hue visfot ke ekabaar fir yah saabit ho gaya hai ki khufiya tantr poori tarah 'Aksham' hai. Haalat yah hai ki visfot ke kai ghante baad tak jaanch agencyan yah bataane ki sthiti mein naheen hai ki visfot ke peechhe kiska haath hai. Gruh mantraalaya ki taraf se bhi aadhikaarik taur par koi jaankaari naheen di gayi hai. Lekin senior adhikaari maan rahe hain ki jo log Hyderabad bam visfoton ke peechhe the, unhonne hi is visfot ko anjaam diya hai. Mantraalaya ke ek senior adhikaari ke mutaabik, sabse jyaada shak Indian mujaahideen (aaiem) par hai kyonki pichhle kuchh maamalon ko dekhein to yah sangathan kaafi sakriya hai. Aashanka hai ki adaalaton dvaara diye gaye faisalon ke maddenajar in visfoton ko anjaam diya ja raha hai. Sootron ka kehna hai ki Karnataka mein aaiem ka network bahut majaboot hai. Kareeb-kareeb har shahar aur kasbe mein uske maudyool sakriya hain. Iske alaava alag-alag naamon se sakriya sangathan bhi iski madad kar rahe hain. Gaurtalab hai ki Hyderabad visfoton ki jaanch kar rahi raashtreeya jaanch agency (NIA) ne pichhle 10 April ko hi aaiem ke maastaramaaind maane jaanevaale bhatakal bandhuon par das-das lakh rupaye ka inaam ghoshit kiya hai. Yaaseen bhatakal, mohammad riyaaj urf Iqbal bhatakal aur mohammad Iqbal Karnataka ke uttar kannaada jile ke rahane vaale hai. Inmein riyaaj aur Iqbal sage bhaai hai jabki yaaseen unka kareebi rishtedaar hai. NIA ke adhikaari yah maan rahe hain ki aaj ki ghatna ke peechhe inheen ka haath ho sakta hai. Hyderabad ki ghatna ke peechhe bhi inka hi haath tha. Bhatakal bandhuon ke alaava jaanch agencyan dakshin Bhaarat ke kuchh kattar sangathanon par bhi najar rakhe hue hain. Faraar chal rahe bhatakal bandhuon mein se ek in dinon Pakistan mein bataaya ja raha hai. Vah lashkar-A-taiba se juda huaa hai. Yah bhi bataaya ja raha hai ki in dinon bhatakal bandhu apne sangathan ke liye nae yuvaaon ki talaash bhi kar rahe hain. Unki najar takaneeki roop se daksh aur padhe likhe naujavaanon par hai. Ve inhein bhaavanaaon mein bahaakar apni or kheench rahe hain. Gruh mantraalaya ke adhikaari yah maan rahe hain ki pichhle kuchh samay se padhe-likhe yuvaaon ka jhukaav in jehaadi sangathanon ki or badha hai.

Bengaluru Blaast Indian Mujaahideen Shak Ke Ghere Mein https://www.angrejinews.com/pic/5925