Benajeer Murder Mein Aupachaarik Roop Se Arest Hue Musharraf

World »

Benajeer Murder Mein Aupachaarik Roop Se Arest Hue Musharraf

Islamabad/Lahore. . Pakistan ke adhikaariyon ne benajeer bhutto hatyaakaand mein guruvaar ko poorv raashtrapati Parvez musharraf ko aupachaarik roop se giraftaar kar liya. Aatankvaad nirodhak adaalat dvaara 2007 ke is maamale ki jaanch mein poorv raashtrapati ko bhi shaamil karne ke nirdesh dene ke baad jaanchakartaaon ne yah kadam uthaaya. Sangheeya jaanch agency (efaaaie) ke adhikaariyon ke ek dal ne Islamabad ke baahari kshetr mein bane unke firm house mein musharraf ko aupachaarik roop se giraftaar kiya. Pichhle saptaah musharraf ko nyaayik hiraasat mein bheje jaane ke baad ise 'Up-jail' ghoshit kiya gaya hai. Efaaaie adhikaariyon ne kaha ki musharraf is firm house mein hi raheinge lekin unhein kal Rawalpindi mein aatankvaad nirodhak adaalat mein pesh kiya jaaega. Efaaaie dal ne aaj musharraf ka bayaan darj kiya. Jiyo news ne khabar di ki adhikaariyon ne musharraf se poochha ki unke shaasan mein 2007 mein svanirvaasan se lautane par benajeer ko paryaapt suraksha kyon naheen di gayi. Kaha ja raha hai ki musharraf ne kaha ki benajeer ko poori suraksha di gayi thi aur unhonne apne oopar lage aaropon ko khaarij kiya.

Benajeer Murder Mein Aupachaarik Roop Se Arest Hue Musharraf https://www.angrejinews.com/pic/6853