Ben Aifalek Ki 'Aarago Ko Sarvashreshth Film Ka Oscar

Movies »

Ben Aifalek Ki 'Aarago Ko Sarvashreshth Film Ka Oscar

Loss ainjilis: Ben efalek ke Iran ko kendra mein rakhakar banaae gaye apaharan drama 'Aarago' ko 85vein academy award samaaroh mein sarvashreshth film ka puraskaar pradaan kiya gaya hai. Haalaanki film ke abhineta aur nirdeshak ko sarvashreshth shreni mein naamaankit naheen kiya gaya tha. Washington deesi mein white house se America ki pratham mahila Michelle Obama yahaan dolbi theatre mein Jack nikolsan ke saath puraskaar samaaroh mein pahunchi theen. Sattebaajon ne is film ko apni pasandeeda film bataaya tha aur ise baafta tatha golden globe mein bhi sarvashreshth film ka puraskaar mil chuka tha. Aifalek puraskaar lene ke liye jab manch par aae to dhanyavaad ada karte hue unki aavaaj bharabhara gayi, khaastaur se jab unhonne apni patni Jennifer gaarnar ka dhanyavaad ada kiya. Unhonne kaha, ''Aapka dhanyavaad. Steven Spielberg ek jeeniys hain. Main anya filmon ki mahaanata ko sveekaar karna chaahoonga jinhein hamaare hi baraabar yahaan puraskaar paane ka adhikaar tha lekin unhein is varsh naamaankan tak naheen mila. '' aifalek ne kaha, ''Main apne bhaai, apni maan aur pita ka dhanyavaad karta hoon. Main Iran mein apne mitron ka aabhaar jataana chaahata hoon. Main apni patni ka shukragujaar hoon. Main 15 saal pehle bhi yahaan tha aur mujhe koi aaidiya naheen tha ki main kya kar raha hoon. Mainne kabhi yahaan tak pahunchane ke baare mein naheen socha tha. Main bahut se logon ki vajah se yahaan hoon. ''Oscar puraskaar paane vaalon ki soochi- Vibhinn shreniyon mein oscar puraskaar haasil karne waali filmon aur kalaakaaron ki soochi is prakaar hai : 1. Sarvashreshth film - aarago 2. Sarvashreshth nirdeshak - aang li ('Life of paai' ke liye) 3. Sarvashreshth abhineta - Daniel de loois (Lincoln ke liye) 4. Sarvashreshth abhinetri - Jennifer laareins (silver linings playbook ke liye) 5. Sarvashreshth sah-abhineta - Christopher vaaltj (jaingon anacheind ke liye) 6. Sarvashreshth sah-abhinetri - eni haithave (les mijrebal ke liye) 7. Animated feature film - mark endrooj aur breda chaipamain ki 'Brev' 8. Cinematography - klaudiyo miraanda (life of paai) 9. Kaustyoom design - Jacqueline durraan (anna karenina) 10. Documentary feature - malik benajelaaul aur simon chin ki 'Sarching for shugar main' 11. Laghu documentary - siyaan faain aur aandreya niks faain ki 'Inoseinte' 12. Film sanpaadan - 'Aarago' ke liye William goldanabarg 13. Videshi bhaasha ki film - 'Aamor' 14. Mek-ap aur keshasajja - leeja vestakot aur jooli daurtanel ('Les mijrebal' ke liye) 15. Sangeet (maulik dhun) - Michael daana ('Life of paai' ke liye) 16. Sangeet (maulik geet) - edili edakins aur paul epavarth ko 'Skaaifaul' ke geet skaaifaul ke liye. 17. Production design - 'Lincoln' ke liye jim eriksn (set sajja) , rik Carter (production design) 18. Animated laghu film - John kaahars ko 'Peparamain' ke liye 19. Laghu film (live action) - 'Curfew' ke liye shaun kristeinshan 20. Aavaaj sanpaadan - 'Skaaifaul' ke liye par haulabarg aur karan baker, 'Jeero Dirk thirty' ke liye paul enaje ottosan 21. Aavaaj mishran - 'Les mijrebal' ke liye Andy nelsan, mark Peterson aur simon hej 22. Drushya prabhaav - 'Life of paai' ke liye bill vestanahofar, gyoolaaum rocharsan, erik jaan de bor aur donaald aar eliyt 23. Patakatha (vaastavik) - 'Jaingo anacheind' ke liye kveintin toreintino 24. Patakatha (roopaantarit) 'Aarago ke liye kris teriyo

Ben Aifalek Ki 'Aarago Ko Sarvashreshth Film Ka Oscar https://www.angrejinews.com/pic/2782