Bemaani Hai Satta Ke Do Keindron Par Bahas Manmohan Singh

India »

Bemaani Hai Satta Ke Do Keindron Par Bahas Manmohan Singh

Nai Delhi. . Pradhaanamantri Manmohan Singh ne satta ke kathit do kendron ki bahas ko aaj 'Bemaani' karaar dekar khaarij kar diya. Raashtrapati bhavan mein padm puraskaar vitran samaaroh ke baad pradhaanamantri ne samvaadadaataaon se baatcheet ke dauraan yah kaha. Manmohan ne pradhaanamantri ke roop mein teesari paari khelne ki sambhaavana se bhi inkaar naheen kiya. UPA shaasan mein satta ke do kendra hone ki bahas par unhonne kaha, 'Yah media ki upaj hai. Yah nirrthak bahas hai. ' samvaadadaataaon ne unase Congress mahaasachiv digvijya Singh ke us bayaan ke baare mein poochha tha jismein Congress party mein satta ke do kendron ki baat kahi gayi hai. Digvijya ne kaha tha ki satta ke do kendron (ek Congress adhyaksh soniya Gandhi aur doosra pradhaanamantri) ki vyavastha safal naheen rahi hai aur is prayog ko doharaana naheen chaahiye. Haalaanki, Congress ne aadhikaarik roop se digvijya ke is daave ko khaarij karte hue kaha hai ki yah vyavastha bhavishya ke liye bhi 'Aadarsh model' hai. Is savaal par ki kya vah pradhaanamantri pad ka teesara kaaryakaal sveekaar kareinge, Manmohan Singh ne kaha, 'Yah kaalpanik savaal hai. Abhi hamaara maujooda kaaryakaal poora hona baaki hai. ' vartamaan sarkaar ka kaaryakaal agale saal May mein samaapt hoga. Yah poochhe jaane par ki kya vah teesari baar pradhaanamantri banane ki sambhaavana se inkaar kar rahe hain, unhonne kaha ki aisa ho bhi sakta hai aur naheen bhi. Ve kisi sambhaavana se inkaar naheen kar rahe. Is savaal par ki kya vah Rahul Gandhi ko pradhaanamantri banaae jaane ka svaagat kareinge, unhonne tapaak se kaha, 'Ji haan, kabhi bhi. ' haalaanki jab Rahul se unke pradhaanamantri banane ki sambhaavana ke baare mein poochha gaya tha to Congress upaadhyaksh ne ise 'Apraasangik' prashn bataaya tha.

Bemaani Hai Satta Ke Do Keindron Par Bahas Manmohan Singh https://www.angrejinews.com/pic/4563