Belagaam Hue Akhilesh Ke Mantri, Ajab-gajab Bol

Breaking »

Belagaam Hue Akhilesh Ke Mantri, Ajab-gajab Bol

Lucknow. . Samaajavaadi party ke supreemo mulaayam Singh baar-baar apni party ke netaaon ko had mein rahane ki naseehat day chuke hain, lekin kaaryakartaaon ki kaun poochhe mantriyon tak par iska asar hota dikh naheen raha hai. Mangalvaar ko party ke saghan janasanpark abhiyaan mein soobe ke mantri belagaam bolte hue paae gaye. Vastr udyog mantri Shiv Kumar beriya ne police ko apne hukm ka gulaam bata diya, to svaasthya mantri Ahmad hasan ne BSP supreemo maayaavati par jaatisoochak shabd ke saath kataaksh kiya. Shiv Kumar beriya ne eta mein kaha, 'Main kah raha hoon chunauti dekar chale jaao meri vidhaan sabha mein, ek thaanedaar, ek esadeeem ki kya aukaat ho ki jab tak meri najar ka ishaara na ho tab tak baith jaae. Kaam karna to door ki baat hai. ' unhonne kaha ki koi policekarmi unke hukm ke bagair kuchh naheen kar sakta aur yadi koi aisa karta hai to use 24 ghante ke andar barkhaast kar diya jaaega. Josh se bharpoor mantri ne kaha, 'Jab tak main baithane ka aadesh naheen deta koi policekarmi baith naheen sakta. Vah mere aadesh ko naheen maanata hai, to use pad par ek minute bhi rahane ka adhikaar naheen hai. Use 24 ghante ke andar barkhaast kar diya jaaega. ' unhonne aage kaha, 'Daroga hamse hai, ham daroga se naheen hain. Kaise himmat hai ki hamaare kaaryakarta ki naheen sunega. 24 ghante ke andar usaki vardi utarava kar feink diya jaaega. ' isse bhi ek kadam aage badhkar pradesh ke samaaj kalyaan mantri Ram moorti varma ne kaha hai ki uttar pradesh mein aparaadh ko koi bhi taakat naheen rok sakti. Soobe ke svaasthya mantri Ahmad hasan ne muraadaabaad mein apne bhaashan mein poorv mukhyamantri maayaavati par kataaksh karte hue kaha ki mulaayam Singh Yadav ne aam janta ke hit mein promotion mein aarakshan ka virodh kiya. Unhonne BSP samarthak maani jaane waali ek jaati ka havaala dete hue kaha ki virodh na karne par ek jaati vishesh ke logon ko hi promotion ka laabh milta. Sanbhal mein panchaayati raaj raajyamantri kamaal Akhtar ki maujoodagi mein sarkaar ke virodh mein naare lagaane aur parche baante jaane par sapaai aapa kho baithe. Sanbhal jila mukhyaalaya sangharsh samiti ke log pradesh sarkaar ke virodh mein naarebaaji karte hue parche baant rahe the. Isse samaajavaadi party ke kaaryakarta ugr ho gaye aur sammelan chhodkar sadak par aa gaye. Sarkaar virodhi parche faadkar feink diye. Gaadiyon mein todfod aur prachaar karne vaalon ki pitaai kar daali.

Belagaam Hue Akhilesh Ke Mantri, Ajab-gajab Bol https://www.angrejinews.com/pic/6628