'Begunaah Saabit Hone Par Riha Hoga Liyaakat

India »

'Begunaah Saabit Hone Par Riha Hoga Liyaakat

nai Delhi : Keindreeya gruh sachiv aar. Ke. Singh ka kehna hai ki agar naishanal investigeshan agency ki jaanch mein kathit hijbul mujaahideen ka aatanki liyaakat shaah nirdosh saabit hota hai, to use chhod diya jaaega. Singh ne mangalvaar ko kaha ki agar yah saabit ho gaya ki liyaakat vaastav mein seema paar se surrender karne ke liye Bhaarat aaya tha, to use riha kar diya jaaega. Sashastr seema bal dvaara aayojit ek kaaryakram ke mauke par gruh sachiv ne kaha ki Delhi police aur Jammu-Kashmir police ke daavon ki jaanch ka jimma NIA ko saunpa gaya hai. NIA is baat ka pata lagaaegi ki sach kya hai? Kya vah (liyaakat) sachmuch aatmasamarpan karne aaya tha ya fir kisi saajish ke tahat Nepal ke jariye desh mein ghusa tha. Jo bhi sach hoga, vah saamane aa jaaega. Agar vah aatmasamarpan karne aaya tha to hamaari koshish use riha karaane ki hogi, taaki vah apne parivaar se mil sake. Ullekhaneeya hai ki liyaakat shaah ki giraftaari par Delhi police ne daava kiya tha ki usane rajdhani mein holi se pehle ek badi aatanki saajish ko naakaam kiya hai. Jabki Jammu Kashmir ke mukhyamantri aur police ka kehna tha ki liyaakat aatmasamarpan karne ke liye Nepal ke jariye Bhaarat aaya tha. Is vivaad ke baad hi is maamale ki jaanch NIA ko saunpi gayi hai.

'Begunaah Saabit Hone Par Riha Hoga Liyaakat https://www.angrejinews.com/pic/4277