Beech Sammelan Mein Poochhane Laga PM Se Savaal

Breaking »

Beech Sammelan Mein Poochhane Laga PM Se Savaal

Nai Delhi. . Vigyaan bhavan mein shukravaar ko shram sammelan ke dauraan pradhaanamantri Manmohan Singh aur shram mantri mallikaarjun khadge ko ajeeb sthiti ka saamana karna pada. Khadge ke sambodhan ke dauraan ek shakhs PM se asam mudde par savaal poochhane ki jid karne laga. Yah shakhs kaun hai, yah pata naheen chal paaya hai. Shukravaar ko vigyaan bhavan mein shram sammelan chal raha tha. Manch par pradhaanamantri Manmohan Singh, shram mantri mallikaarjun khadge va doosare adhikaari maujood the. Khadge ne jaise hi apna sambodhan shuroo kiya, ek shakhs uthakar PM se savaal poochhane ki jid karne laga. Vah pradhaanamantri ke asam daure ka jikr kar raha tha. Hairaan-pareshaan khadge shakhs ko baithane ke liye manaate rahe. Unhonne sambodhan beech mein hi rokakar shakhs se kaha ki yah savaal poochhane ki sahi jagah naheen hai. Sammelan ki maryaada bani rahane dein. Lekin vah fir bhi chup naheen huaa. Khadge ne iske baad apna sambodhan fir shuroo kar diya. Kuchh der tak bolne ke baad vah shakhs apne sthaan par baith gaya. Is poore vaakaye ke dauraan ajeebogareeb sthiti bani rahi.

Beech Sammelan Mein Poochhane Laga PM Se Savaal https://www.angrejinews.com/pic/8868