Baustan Mein Visfoton Ke Baavajood Hogi London Mairaathan

World »

Baustan Mein Visfoton Ke Baavajood Hogi London Mairaathan

London. . London mairaathan ke aayojakon ne kaha hai ki baustan mairaathan mein finish line ke paas hue visfoton mein kam se kam do logon ke maare jaane ke baavajood ravivaar ko yahaan race hogi. Police ne haalaanki kaha ki use suraksha vyavastha ki sameeksha karni hogi. Abhi iski pushti naheen ho saki hai ki baustan mairaathan mein hue visfot aatanki hamle the ya naheen. Is haadase ke baad haalaanki London mairaathan ki suraksha ko lekar aashanka paida ho gayi hai. London mairaathan ke mukhya kaaryakaari nick bitel ne BBC radio five live se kaha, 'Ham London mairaathan radd naheen kareinge. Ham suraksha vyavastha ki sameeksha kar rahe hain. ' unhonne kaha, 'Mairaathan ya pared jaisa aayojan poore shahar mein hota hai, yah kisi stadium mein naheen hota lihaaja yah utani hi surakshit hogi jitna ki yah shahar. ' har saal London mairaathan mein hajaaron antararaashtreeya aithaleet bhaag lete hain. Chhah din baad hone waali race ke suraksha kaaranon se radd hone ki atkalein lagaai ja rahi hain. Bitel ne kaha,'Ham baustan mein visfot ki khabar se dukhi aur stabdh hain. Hamaari sahaanubhooti un parivaaron ke saath hai. Humne metropolitan police ke saath sanyukt roop se suraksha yojana banaai hai. Ham lagaataar unke sampark mein hain.

Baustan Mein Visfoton Ke Baavajood Hogi London Mairaathan https://www.angrejinews.com/pic/5726