Baustan Dhamaake Al-kaayada Ya Koi Ghar Ka

World »

Baustan Dhamaake Al-kaayada Ya Koi Ghar Ka

Washington . . 11 September 2001 ke aatankvaadi hamlon ke baad baustan mein somvaar ko hue dhamaake America mein sabse bada aatankvaadi hamla hain. Dhamaakon ki jaanch vahaan ki sangheeya jaanch agency FBI aatankvaadi hamla maankar kar rahi hai. Haalaanki dhamaakon ke kai ghante beet jaane ke baad bhi jaanch adhikaariyon ke paas koi pukhta saboot ya sanket naheen hai. Ameriki raashtrapati Barack Obama ne kaha, "Hamaare paas filhaal sabhi savaalon ke javaab naheen hain. Ham naheen jaante yah kyon aur kisne kiya. "Dekhein: Baustan ki dil dahalaati tasveerein America ke ek poorv aatankavaadarodhi adhikaari ne Washington post akhbaar se kaha ki in dhamaakon ko dekhkar lagta naheen ki ismein al-kaayada ka haath hoga. Anumaan lagaaya ja raha hai ki yah kisi ghareloo group ka kaam ho sakta hai, lekin adhikaari aur vaait house jaldabaaji mein kisi bhi faisale par naheen pahunchana chaahate. Is adhikaari ne naam na chhaapane ki shart par akhbaar se kaha, "Is vakt kuchh bhi kehna mushkil hai. Ismein kisi sainya thikaane ya times skvayer jaisi mashahoor jagah ko nishaana naheen banaaya gaya hai. Yah kisi aise group ka kaam ho sakta hai jiske videshiyon se sambandh shaayad hi hon. " TV par apne bhaashan mein Barack Obama ne kaha, "Ham pata laga leinge ki yah kisne kiya. Use nyaaya ke kathaghare tak pahunchaaya jaaega. " Obama ne baustan ke mayor Tom menino aur maisaachusets ke Governor devel paitrik se phone par baat ki. Unhonne kaha ki poore America mein suraksha badha di gayi hai. Baustan mein adhikaariyon ne ek flat par chhaapa maara hai. Lekin vahaan se kya mila, is baare mein koi soochana naheen di gayi hai. Police adhikaariyon ki chhuttiyaan radd kar di gayi hain. CCTV footage ki gahan jaanch ki ja rahi hai. Baustan ke police commissioner Edward Davis ne dhamaakon ke kuchh der baad press conference ki thi. Unhonne kaha ki aisi kisi gatividhi ke baare mein koi khufiya soochana naheen mili thi. America ke sabhi bade shaharon ko haai alert par rakha gaya hai. Baustan ka airport band kar diya gaya hai. Us havaai kshetr ko no flaai jon ghoshit kiya gaya hai. Kareeb 12 saal tak ameriki jaanch agencyan mulk ko aatanki hamlon se bachaae hue theen. Is beech darjanon aatanki hamlon ki saajishon ka pardaafaash kiya hai. 1897 mein shuroo hui baustan mairaathan America ka doosra sabse bada aayojan hai aur antararaashtreeya star par iski badi saakh hai. Lihaaja agar yah aatankvaadi hamla hai to America ke kade suraksha prabandhon par bada savaaliya nishaan khada hota hai. Donon bam kachare ke dibbon mein rakhe gaye the. Dhamaake 16 sekands ke antar par hue. Aisi khabarein hain ki baustan police ko ek ashvet vyakti ki talaash hai. Shak hai ki yah saajishkarta arab naagrik ho sakta hai. Lekin filhaal adhikaari kuchh bhi kehne se bach rahe hain.

Baustan Dhamaake Al-kaayada Ya Koi Ghar Ka https://www.angrejinews.com/pic/5727