Baustan Blaast Hamlaavar Ki Ghar Mein Hi Talaash

World »

Baustan Blaast  Hamlaavar Ki Ghar Mein Hi Talaash

PTI . Baustan baustan mairaathan ke dauraan hue bam dhamaakon ke peechhe ghareloo aatankvaadiyon ka haath maana ja raha hai. Ek taraf jahaan aatankvaadi maamalon ke kuchh eksaparts kisi tarah ka anumaan lagaane ki baat ko nakaar rahe hain vaheen kuchh ka maanana hai ki is hamle ke peechhe shaayad hi koi antararaashtreeya aatankvaadi sangathan ho. Saudi naagrik se poochhataachh : Dhamaakon ki saajish rachane vaalon ki talaash mein suraksha adhikaari aur aur bam eksapart jagah-jagah talaashi abhiyaan chala rahe hain. Mesaachusets ke raver mane ek apaartamanet ki talaashi li gayi. Yah ghar ek yuva Saudi naagrik ka hai. Kaafi der tak adhikaariyon ne usase poochhataachh ki. Iske alaava ek Saudi mahila aur ek Doctor se bhi poochhataachh ki gayi. Iski hai talaash : Jaanchakartaaon ne police se kaha hai ki vah aise afreeki mool ke shakhs ki talaash karein jiske bolne ka lahaja amerikiyon jaisa naheen ho. Svetashart pahane is shakhs ko pehle blaast se theek paanch minute pehle ek kaale bag ke saath pratibandhit ilaake mein ghusate hue dekha gaya tha. Videshi gurap ka haath naheen : Media mein aain shuruaati riporton se bhi pata chala tha ki dhamaakon mein desi bamon ka istemaal kiya gaya. Agar aisa naheen hota to kai aur logon ki jaanein ja sakti theen. Baustan globe ne ek eksapart ke havaale se kaha ki America mein rah rahe kattar musalmaan is hamle ke peechhe ho sakte hain. Ho sakta hai madhya poorv ki kisi ghatna ya kisi dharmaguru se prabhaavit hokar ye kadam uthaaya gaya ho. Kisi ek aadmi ka kaam : Yooes ke security eksaparts yah bhi maan rahe hain ki dhamaake ko kisi ek shakhs ne hi anjaam diya ho. FBI ke bam se jude vibhaag ke ek adhikaari ne kaha, yah kisi ek shakhs ka kaam ho sakta hai. Unka kehna hai ki bam ko kisi thaile mein daalkar hajaaron darshakon ke beech aasaani se use kaheen rakh diya gaya hoga aur kisi ko shak bhi naheen huaa hoga.

Baustan Blaast Hamlaavar Ki Ghar Mein Hi Talaash https://www.angrejinews.com/pic/5832