Basai Daaraapur Murder Case Aaropi Ki Maan Aur Bahan Bhi Giraftaar

Breaking »

Basai Daaraapur Murder Case Aaropi Ki Maan Aur Bahan Bhi Giraftaar

Nai Delhi Moti nagar ke basai daaraapur gaanv mein yuvati se chhedchhaad ka virodh karne par hatya ke maamale mein police ne aaropi ki maan aur bahan ko bhi giraftaar kar liya hai. Donon se poochh-taachh ki ja rahi hai. Aarop hai ki ghar ki mahilaaon ne hi aaropi ko chaakoo diya tha, jisse is vaaradaat ko anjaam diya gaya. Police ke anusaar, ghatnaasthal par maujood logon ke bayaan ke aadhaar par in donon mahilaaon se poochh-taachh kaafi jaroori hai. Haalaanki, police is maamale mein abhi jyaada kuchh bataane ko taiyaar naheen hai. Ghaayal yuvati ka bhaai ab bhi aspataal mein bharti hai. Filhaal usaki sthiti sthir hai aur vah khatre se baahar hai. Police ne abhi peedit yuvati se poochh-taachh naheen ki hai. Padhein: Bachaane vaale bhi usi dharm ke, jis dharm ke logon ne kiye vaar Adhikaariyon ke anusaar, abhi peedit parivaar sadme mein hai. Kuchh dinon baad yuvati ke bhaai se bhi ghatna ke baare mein poochh-taachh hogi, jisse kuchh aur jaankaari haath lagne ki ummeed hai. Police ne ghatnaasthal ke aaspaas lage CCTV footage ekatrit karne shuroo kar diye hain. Ghatnaasthal ke aaspaas kai CCTV lage hue hain. Vest area ki DCP Monica Bhardwaj ne peedit parivaar se mulaakaat ki. Is beech peedit parivaar ne bhi Budhvaar ko gruhamantri Rajnath Singh se mulaakaat ki aur unase nyaaya ki guhaar lagaai. Padhein: 11 logon ne gher kar kiya tha katl, mahilaaen bhi theen shaamil Ab bhi is kshetr mein tanaav hai. Na sirf Delhi ke gaanvon se balki Delhi ke baahar se bhi log peedit parivaar se milne pahunch rahe hain. Tanaav ke beech Budhvaar ko poore area mein kaafi police tainaat rahi. Budhvaar ko vibhinn dalon ke neta peedit parivaar se milne pahunche. Ab tak yahaan 'Aap'Ke varishth neta aur Rajyasabha saansad sanjaya Singh, south emaseedi ki mayor suneeta kaangada ke alaava kai doosare neta peedit parivaar se milne pahunche.

Basai Daaraapur Murder Case Aaropi Ki Maan Aur Bahan Bhi Giraftaar https://www.angrejinews.com/pic/274830