Bas Chhah Maheene Deejiye, Vikaas Kaaryon Se Badal Jaaega UP Ka Huliya Akhilesh Yadav

Breaking »

Bas Chhah Maheene Deejiye, Vikaas Kaaryon Se Badal Jaaega UP Ka Huliya  Akhilesh Yadav

Akhilesh Yadav ki file tasveer Akhilesh Yadav ki file tasveer Kanpur: Loksabha chunaav mein uttar pradesh mein samaajavaadi party ki karaari haar ki sameeksha abhi poori na hone ki baat kehte hue mukhyamantri Akhilesh Yadav ne kaha ki pradesh sarkaar ne to kanya vidya dhan, berojgaari bhatta, laptop bhi diya, iske baavajood hamaari party behtar pradarshan naheen kar pai. unhonne kaha, bas chhah maheene ka samay deejiye. Pradesh mein itne vikaas kaarya kiye jaayeinge ki pradesh ka huliya badal jaaega. Kanpur aae pradesh ke mukhyamantri se poochha gaya ki musalmaanon ko sapa ka vote bank maana jaata tha, lekin is baar Loksabha chunaav mein musalmaanon ne bhi sapa ko vote naheen diya. Is par Akhilesh ne kaha, main is maamale par chhah maah kuchh naheen boloonga. Aap sarkaar ke vikaas ke kaam dekhiyega. Akhilesh ne kaha, chunaav ke samay hi mainne kaha tha ki is desh mein saampradaayik hona aasaan hai, lekin dharmanirpeksh hona kathin hai. Pradesh mein party ko mili karaari haar ki sameeksha ke baare mein unhonne kaha ki abhi sameeksha poori naheen hui hai. Party ki yuva ikaai samet kai ikaaiyaan baaki hai, uske baad hi kaaran pata chal paaega.

Bas Chhah Maheene Deejiye, Vikaas Kaaryon Se Badal Jaaega UP Ka Huliya Akhilesh Yadav https://www.angrejinews.com/pic/52240