Bas Aur Car Ki Takkar Mein Ek Ki Maut, Kai Ghaayal

India »

Bas Aur Car Ki Takkar Mein Ek Ki Maut, Kai Ghaayal

ek samvaadadaata . Bahaaduragadh bahaaduragadh mein shanivaar ko car aur roadways ki ek bas ki takkar mein ek ki maut ho gayi, vaheen ek darjan se adhik log ghaayal ho gaye. Haadase ke baad sarkaari aspataal mein postmortem room ke baahar poore din parijanon ki cheekh-pukaar machi rahi. Shanivaar shaam kareeb 4 baje Delhi-Rohtak highway par aasauda aur rohad ke beech bahaaduragadh se Rohtak ja rahi Haryana roadways ki bas aur usi disha mein ja rahi ek car ke beech takkar ho gayi. Haadase ke baad car buri tarah se kshatigrast ho gayi, vaheen raajya parivhan ki bas bhi palat gayi. Is durghatana mein car chaalak Delhi nivaasi anil ki mauke par hi maut ho gayi. Vaheen car meein savaar raajesh sharma, usaki patni rekha sharma aur unke bete aranav va aarav gambhir roop se ghaayal ho gaye. Is haadase mein bas mein savaar lagbhag ek darjan yaatri bhi gambhir roop se ghaayal ho gaye, jinmein se 2 ki haalat gambhir bataai ja rahi hai. Ghaayalon ko civil aspataal mein bharti karaaya gaya hai. Vaheen, bas mein yaatriyon mein se ghaayal 2 mahilaaon poonam aur rama ko gambhir haalat mein PGI Rohtak refar kiya gaya hai. Is haadase ke baad kaafi der tak yaataayaat bhi prabhaavit raha.

Bas Aur Car Ki Takkar Mein Ek Ki Maut, Kai Ghaayal https://www.angrejinews.com/pic/5492