Barack Obama Ne Manmohan Singh Ko Bulaaya, Isi Saal Ja Sakte Hain America

Breaking »

Barack Obama Ne Manmohan Singh Ko Bulaaya, Isi Saal Ja Sakte Hain America

Sachin paraashar nai Delhi. . Aise daur mein jab, Bhaarat aur America ke rishte dhaar khote najar aa rahe the, yooes prejideint Barack Obama ne pradhaanamantri Manmohan Singh ko dwipaksheeya vaarta ke liye aamantrit kiya hai. Vaushingat ke sootron ne is khabar ki pushti karte hue bataaya ki Manmohan Singh ne nimantran ko sveekaar kar liya hai aur filhaal dets tay ki ja rahi hain. Hamaare sahayogi akhbaar times of India ke mutaabik yooes depyuti sekretari of state William barns ne haal hi mein apni Delhi yaatra ke dauraan bhaarateeya athauriteej ko bataaya tha ki Obama pradhaanamantri Manmohan Singh se milna chaahate hain. Iske baad hi PM ko aupachaarik nyauta diya gaya. Sootron ka kehna hai ki donon neta Bhaarat aur America ke beech ke kai mahatvapoorn muddon par baat kareinge. Inmein civil nyookliyr praujekts, Afghanistan, raksha, space aur education jaisi Fields shaamil hongi. Is meeting mein Afghanistan ko lekar bhi baat hogi. America ne Afghanistan mein Bhaarat ki bhoomika ki kai maukon par taareef ki hai, lekin Bhaarat ko kai chintaaen hain. Agale saal tak America poori tarah se Afghanistan se hatne ja raha hai, lekin isse pehle shaanti aur sthaayitv laane mein vah taalibaan ko bhi shaamil kar raha hai. America ke is kadam par Bhaarat bhi najarein gadaae hue hai. Sootron ne mutaabik Manmohan Singh America mein prapoj kiye gaye us vivaadaaspad imigreshan bill ka bhi virodh kareinge, jiske paas ho jaane se Indian IT companiyon ke liye mushkil ho sakti hai. Videsh mantri Salman khursheed pehle hi is draft bill ko donon deshon ke rishton ke kharaab bata chuke hain. Apne doosare kaaryakaaral mein Barack Obama ki Manmohan Singh ke saath yah pehli dwipaksheeya meeting hogi. Isse pehle November 2009 mein Manmohan Singh yooes prejideint Obama ke pehle state guest the. Bhaarat-America ke rishton mein us vakt todi thandak I thi, jab saal 2011 mein UNGA meeting ke dauraan Obama ne Manmohan Singh se na to mulaakaat ki thi, na hi unhein inavaait kiya tha. Magar ab Manmohan Singh ko Obama ka nyauta us vakt aaya hai, jab UPA sarkaar kai saari dikkaton se joojh rahi hai. Obama se Manmohan Singh ki yah meeting pi-5 deshon ke saath rishton ke liye kootaneetik taur par kaafi mahatva rakhati hai. Is saal France ke prejideint aur british pradhaanamantri Bhaarat yaatra par aa chuke hain, jabki cheen ke pramukh ravivaar ko Delhi aa rahe hain. Pradhaanamantri Manmohan Singh isi saal roos ki yaatra par bhi jaaenge.

Barack Obama Ne Manmohan Singh Ko Bulaaya, Isi Saal Ja Sakte Hain America https://www.angrejinews.com/pic/8929