Banpar Lautari Jeeti, Dhan Milne Se Pehle Maut

Breaking » Tuesday, April 23, 2013

Kottaayam (Kerala). . Kottaayam ke ek majadoor ke saath bhaagya ka ek ajeeb khel dekha gaya. Is majadoor ne 2 karod ki raashi banpar lautari inaam mein jeeti lekin lautari ki raashi vah paata isse pehle hi usaki maut sinchaai ke liye bane ek taalaab mein doobne ke kaaran ho gayi. Unni ek painter tha aur vah mushkil se hi apni jindagi chala pa raha tha lekin usaki kismat khuli aur vah 'Bhaagyashaali vyakti' bana. Usane pichhle maheene Kerala sarkaar ke karunya lautari mein hue draw mein puraskaar raashi jeeti. Lekin bhaagya ko yah sab manjoor naheen tha, lautari vibhaag se vah lautari ke puraskaar ki raashi paata usase pehle hi ek sinchaai pool mein usaka pair fisl jaane ke kaaran doobne se usaki maut ho gayi. Uske parivaar ke sadasyon ne kaha ki unni ko mirgi ki beemaari thi jiska ilaaj chal raha tha aur sanbhavat: Mirgi ka daura padne ke kaaran hi vah pool mein gir gaya hoga. Yah durghatana kal tab ghatit hui jab kottaayam jile ke paala shahar mein sthit uske ghar ke paas ek khaali padi jameen mein ugaai gayi sabjiyon ki sinchaai ki ja rahi thi. Unni abhi kunvaara tha aur usane lautari ke puraskaar ki is raashi se kheti ki jameen khareedne aur apne maata-pita aur bhaai, bahanon ke liye ghar banaane ka sapana dekha tha. Usane lautari ki tikt ek sthaaneeya sahakaari bank mein jama ki thi. Lautari vibhaag ke adhikaariyon ke anusaar, puraskaar ki yah raashi uske kaanooni uttaraadhikaariyon dvaara sambandhit dastaavej dikhaane ke baad unhein day di jaaegi.