Bankon Mein 11 Saalon Mein 2.05 Lakh Karod Ru Ki Dhokhaadhadi: Reserve Bank Ki Rapat

Business »

Bankon Mein 11 Saalon Mein 2.05 Lakh Karod Ru Ki Dhokhaadhadi: Reserve Bank Ki Rapat

Nayi Delhi , 12 June (bhaasha) desh mein pichhle 11 varsh mein bankon mein 50,000 se jyaada dhokhaadhadi ke maamale darj kiye hain jinmein kul 2.05 lakh karod rupaye ki heraaferi hui . Bhaarateeya reserve bank (RBI) ke aankadon ke anusaar dhokhaadhadi ke sabse jyaada maamale ICICI bank , bhaarateeya state bank aur HDFC bank mein darj kiye gaye hain. aankadon ke anusaar , pichhle 11 saalon (2008-2009 se 2018-19 ke beech) mein 2.05 lakh karod rupaye ki dhokhaadhadi ke kul 53,334 maamale darj kiye gaye hain. Sabse jyaada 6,811 maamale ICICI bank mein darj kiye gaye hain , jinmein 5,033.81 karod rupaye ki dhokhaadhadi hui hai. soochana ke adhikaar (RTI) ke tahat maangi gayi jaankaari ke javaab mein keindreeya bank ne yeh aankade diye hain. RBI ne kaha ki is dauraan , bhaarateeya state bank (SBI) mein 23,734.74 karod rupaye ke 6,793 dhokhaadhadi ke maamalon ki soochana hai. Iske baad sabse jyaada dhokhaadhadi ke maamale HDFC bank mein darj kiye gaye hain. HDFC bank mein 1,200.79 karod rupaye ke kul 2,497 dhokhaadhadi ke maamale baahar aae hain. bank of Baroda mein is dauraan dhokhaadhadi ke maamale ginti mein 2,160 rahe lekin inmein kul 12,962.96 karod rupaye ki raashi ki heraaferi ki gayi. Isi tarah Punjab national bank mein 28,700.74 karod rupaye ke 2,047 dhokhaadhadi ke maamale aur eksis bank mein kul 5,301.69 karod rupaye ke 1,944 dhokhaadhadi ke maamale saamane aae hain. aankadon ke mutaabik , bank of India mein dhokhaadhadi ke 1,872 maamale (12,358.2 karod rupaye), sindeeket bank mein 1,783 maamale (5830.85 karod rupaye) aur central bank of India mein 9041.98 karod rupaye ke 1,613 dhokhaadhadi ke maamale saamane aae hain. isi prakaar , IDBI bank limited ne 5978.96 karod rupaye ke 1,264 maamalon , standard chaartard bank ne 1221.41 karod rupaye ke 1,263 maamalon , kainara bank ne 5553.38 karod rupaye ki dhokhaadhadi ke 1,254 maamalon , union bank of India ne 11,830.74 karod rupaye ke 1,244 maamalon aur kotak mahindra bank ne 430.46 karod rupaye ki dhokhaadhadi ke 1,213 maamalon ki soochana di hai. pichhle 11 varshon ki avadhi ke dauraan , Indian overseas bank mein 12,644.7 karod rupaye ki dhokhaadhadi ke 1,115 maamale jabki oriental bank of Commerce mein 5,598.23 karod rupaye ki dhokhaadhadi ke aise 1,040 maamale darj kiye gaye hain. is avadhi ke dauraan , Bhaarat mein parichaalan karne vaale kuchh videshi bankon mein dhokhaadhadi ke maamale darj kiye gaye hain. PTI - bhaasha ne teen June ko RBI ke aankadon ka havaala dete hue anusoochit vaanijyik bankon aur chuninda vitteeya sansthaaon mein 71,542.93 karod rupaye ki dhokhaadhadi ke 6,801 maamalon ki soochana di thi. isse pehle 2008- 09 mein 1,860.09 karod rupaye ke kul 4,372 maamale saamane aae the. Iske baad 2009- 10 mein 1,998.94 karod rupaye ke 4,669 maamale darj kiye gaye. 2010-11 mein 4,534 maamale aur 2011-12 mein 4,093 maamale darj kiye gaye hain , inmein kramash : 3,815.76 karod rupaye aur 4,501.15 karod rupaye ki dhokhaadhadi hui. isi prakaar , vitt varsh 2012-13 mein 8,590.86 karod rupaye ke 4,235 maamale , 2013-14 mein 10,170.81 karod rupaye ke 4,306 maamale aur 2014-15 mein 19,455.07 karod rupaye ke 4,639 dhokhaadhadi ke maamale darj kiye gaye. vitt varsh 2015- 16 aur 2016- 17 mein kramash : 18,698.82 karod rupaye aur 23,933.85 karod rupaye moolya ke 4,693 aur 5,076 maamale saamane aae. Vaheen , 2017-18 mein 41,167.03 karod rupaye ke 5,916 dhokhaadhadi ke maamale saamane aae hain. bhaasha.

Bankon Mein 11 Saalon Mein 2.05 Lakh Karod Ru Ki Dhokhaadhadi: Reserve Bank Ki Rapat https://www.angrejinews.com/pic/280745