Bankon Ko Chauthi Timaahi Mein Bhi Nakadi Sthiti Sakht Bane Rahane Ke Aasaar Sarvekshan

Business »

Bankon Ko Chauthi Timaahi Mein Bhi Nakadi Sthiti Sakht Bane Rahane Ke Aasaar Sarvekshan

Nayi Delhi, 17 February (bhaasha) desh ke adhiktar bankon ko sthiti mein halke sudhaar ke baavajood chaaloo vitt varsh ki antim timaahi mein bhi nakadi ki sthiti sakht bane rahane ke aasaar lagte hain. saarvajanik, niji, videshi aur laghu vitt kshetr ke 23 bankon ke beech kiye gaye ek sarvekshan ke anusaar vitt varsh 2018-19 ki teesari timaahi mein nakadi taralata paridrushya ghaate mein hi raha tha. yeh jaankaari 'FICCI-bhaarateeya bank sangh bainkaron' ke sarvekshan mein saamane aayi hai. sarvekshan mein kaha gaya hai ki adhiktar bankon ka maanana hai ki chaaloo vitt varsh ki teesari timaahi mein taralata paridrushya kami wala raha hai aur bhale hi ismein halki behatari hui hai lekin chauthi timaahi mein bhi nakadi ki sthiti tang bane rahane ki sambhaavana hai. Iski vajah aagaami chunaav, uchch raajakosheeya ghaata, kar ka baahya pravaah aur saal ke ant mein nakadi ki maang badhna hai. bank is baat par bhi sahamat hain ki bhaarateeya reserve bank ne taralata ko banaae rakhane ke liye khule baajaar se khareed ke maadhyam se paryaapt kadam uthaae hain aur sujhaav diya ki keindreeya bank ko vitt varsh ki bachi avadhi mein khule baajaar parichaalan ke jariye khareed jaari rakhani chaahiye taaki tantr mein nakadi ki sthiti uchit star par bani rahe. aathavein daur ke is sarvekshan mein 23 bankon ne bhaag liya. Sarvekshan July se December 2018 avadhi ke dauraan kiya gaya.

Bankon Ko Chauthi Timaahi Mein Bhi Nakadi Sthiti Sakht Bane Rahane Ke Aasaar Sarvekshan https://www.angrejinews.com/pic/255450