Bank Dhokhaadhadi Maamale Mein Iran Ke Arabpati Ko Faansi Di Gayi Report

Breaking »

Bank Dhokhaadhadi Maamale Mein Iran Ke Arabpati Ko Faansi Di Gayi  Report

Tehran: Iran mein 2.60 arab dollar ke bank ghotaala maamale mein doshi paae gaye ek arabpati vyavasaayi ko shanivaar ko faansi de di gayi. Yeh 1979 mein islaami kraanti ke baad se hua ab tak ka sabse bada ghotaala hai. sarkaari television channel ne bataaya ki adhikaariyon ne maahaafareed ameer khosaraavi urf ameer mansaur ariya ko Tehran ke uttar mein sthit evin kaaraavaas mein faansi di gayi. channel ke mutaabik Iran ki Supreme court ne ameer ke mrutyudand ko barkaraar rakha tha, jiske baad use faansi di gayi. Use Iran ki sheersh vitteeya sansthaaon mein shaamil bank saaderaat se rin lene ke liye farji dastaavejon ka istemaal karne ke maamale mein doshi paaya gaya tha. Irani media riporton ke anusaar yeh bank ghotaala 2007 mein shuroo hua tha. Is maamale mein kul 39 logon ko doshi thaharaaya gaya hai. Inmein se chaar ko mrutyudand, do ko aajeevan kaaraavaas aur shesh ko 25 varsh tak ke kaaraavaas ki saja di gayi hai.

Bank Dhokhaadhadi Maamale Mein Iran Ke Arabpati Ko Faansi Di Gayi Report https://www.angrejinews.com/pic/51597