Bank Akaaunts Se Pote Ne Nikaale 6.53 Lakh

India » Thursday, April 25, 2013

enabeeti news . Kurukshetr jaali hastaakshar karke bank se 6.53 lakh rupaye nikaalne ke aarop mein police ne bujurg danpati ke pote saurabh ko giraftaar kiya hai. Budhvaar ko aaropi ko court ne ek din ke police remand par bhej diya. Aaropi se poochhataachh ki jaari hai. Police ne bataaya ki SBI panchaayat bhavan branch kurukshetr ke manager ne shikaayat darj karavaai thi ki kisi ne do khaaton se lagbhag 6.53 lakh ki dhokhaadhadi ki hai. Police ne is maamale mein jaanch ke baad saurabh ko sector-13 ko giraftaar kiya. Aaropi ne apna jurm kabool kar liya hai. Police poochhataachh mein aaropi saurabh ne bataaya ki uske daada bahaadur Singh Ahluwalia aur daadi santosh Ahluwalia Canada mein chaacha aur taaoo ke paas rahate hain. Unke naam se SBI mein akaaunts hain. Usane bataaya ki ghar se unke khaate ki check book ko usane uthaaya aur donon ke khaaton se lagbhag 6 lakh 53 hajaar nikaal liye. Ismein daadi ke khaate se 5 lakh 43 hajaar aur daada ke khaate se 1 lakh 10 hajaar rupaye nikaale. Bank manager ne bataaya ki unhein khaata dhaarakon se soochana mili thi ki unke khaaton se kisi ne paise niklava liye hain, jabki vah Canada mein rah rahe hain. Manager ne soochana milte hi SP Rakesh Kumar aarya ko iski jaankaari di. SP ke nirdesh par maamale ki jaanch police ne ki. Bank khaate se rupaye nikaale gaye check ke hastaakshar ko madhuban fareinsik prayogashaala meine Milan karavaaya gaya, to bujurg danpati ka pota hi aaropi nikla.