Banjaara Samudaaya Ne Ki Raashan Card Ki Maang

India »

Banjaara Samudaaya Ne Ki Raashan Card Ki Maang

S . Haapud : Meerut rod aur gadh rod par asthaayi roop se ghar banaakar rah rahe banjaara samudaaya ke logon ne jilaadhikaari sooryapaal gangavaar ko patra saunpakar raashan card banavaane ki maang ki hai. DM ne unhein sambandhit adhikaari se jaanch karaakar raashan card banavaane ka aashvaasan diya hai. Somvaar ki subah darjanon ki sankhya mein banjaara samudaaya ke purush aur mahila mahipaal ke netrutv mein jila mukhyaalaya pahunche. Vahaan samudaaya ke logon ne jilaadhikaari sooryapaal gangavaar ko saunpe patra mein kaha ki vah pichhle 50 varshon se Meerut rod va gadh rod par asthaayi ghar banaakar rah rahe hain. Vah kaafi samay se raashan card banavaane ki maang kar rahe hain, lekin unhein abhi tak yah suvidha upalabdh naheen karavaai gayi hai. Mahipaal ne bataaya ki is samudaaya ke logon ke naam votar list mein darj hain, saath hi nirvaachan aayog dvaara unke pehchaan patra bhi jaari kiye gaye hain. Unhonne bataaya ki iske baavajood bhi unke raashan card naheen ban sake, jisse mahangaai ke is daur mein unhein bhaari pareshaani ka saamana karna pad raha hai.

Banjaara Samudaaya Ne Ki Raashan Card Ki Maang https://www.angrejinews.com/pic/9204