Bangladesh Mein Imaarat Girne Se Abhi Tak 509 Ki Maut

World »

Bangladesh Mein Imaarat Girne Se Abhi Tak 509 Ki Maut

PTI . Dhaaka : Bangladesh mein kuchh dinon pehle giri ek imaarat haadase mein marne vaalon ki taadaad 500 se jyaada ho gayi hai. Shukravaar ko haadase ke 10 dinon baad 63 aur logon ke shav malabe se baahar nikaale gaye. Army ke ek pravakta ne kaha, marne vaalon ki taadaad 509 ho gayi hai. Iske alaava abhi tak 2437 logon ko jinda bachaaya ja chuka hai. Engineer arest : Police ne maamale mein shukravaar ko kaam mein kotaahi baratne ke aarop mein ek engineer ko arest kiya. Imaarat ke maalik ne aath manjila is imaarat mein jab avaidh tareeke se teen aur manjilon ka nirmaan karavaaya tha tab engineer abdul Razzak Khan kansalteint the. Police adhikaariyon ne kaha, Khan ne maalik ko aagaah kiya tha ki imaarat sef naheen hai, lekin iske baavajood usane kansalteint ke taur par kaam kiya.

Bangladesh Mein Imaarat Girne Se Abhi Tak 509 Ki Maut https://www.angrejinews.com/pic/7626