Bangladesh Mein Imaarat Girne Se 80 Se Jyaada Ki Maut

World » Thursday, April 25, 2013

PTI . Dhaaka : Bangladesh mein Budhvaar ko aath manjila ek imaarat ke girne se 80 se jyaada logon ki maut ho gayi aur 700 se jyaada log ghaayal ho gaye. Dhaaka ke baahari ilaake mein sthit is kamarshal imaarat mein kapadon ki kai chhoti-moti faiktriyaan theen jinmein hajaaron log kaam karte the. Logon ka kehna hai ki is imaarat mein pehle se hi kai daraarein theen aur imaarat kamjor pad gayi thi. Haadase mein marne vaalon ki taadaad abhi aur badhne ki aashanka hai kyonki kai log abhi bhi malabe mein dabe ho sakte hain. Jinda bache logon ko malabe se nikaalne ke liye raahat aur bachaav ka kaam joron se chal raha hai. Sthaaneeya logon ka kehna hai ki imaarat mein kapadon ki faiktriyon ke alaava ek bank ka branch aur kareeb 300 dukaanein theen jinmein kareeb 6000 log kaam karte the. Ilaake ke eesapi mosheeuddaula reja ne bataaya ki unhein 76 shavon ke baahar nikaale jaane ki soochana mili hai. Raahatakarmiyon ka kehna hai ki kam se kam chaar aur shavon ko paas ke aspataalon mein le jaaya gaya hai. Industrial police ke director mustafeejur Rahman ne haadase ke liye kapda factory maalikon ko jimmedaar thaharaaya hai. Unhonne kaha ki imaarat mein I daraaron ki anadekhi karke ye log faiktriyaan chala rahe the.