Bangladesh Imaarat Haadase Mein Marne Vaalon Ki Sankhya 900 Pahunchi

World »

Bangladesh Imaarat Haadase Mein Marne Vaalon Ki Sankhya 900 Pahunchi

Saavar. . Pichhle maheene dhvast hui aath manjila imaarat ke malabe se raahatakamiryon dvaara 80 aur shav nikaalne ke baad Bangladesh ke is sabse bade audyogik haadase mein marne vaalon ki kul sankhya aaj 900 ke kareeb pahunch gayi. Sena ke netrutv mein raahat abhiyaan ka aaj 16vaan din hai. Ek adhikaari ne kaha, 'Marne vaalon ki kul sankhya ab 892 ho gayi hai. ' sthaaneeya media ne khabar di hai ki avaidh roop se bani imaarat raana plaaja ke malabe mein ab bhi saikadon shav fanse hain kyonki kai log ab bhi laapata hain. Rajdhani dhaaka ke nikat sthit saavar ki is imaarat mein kapadon ki paanch faiktriyaan theen aur yah 24 April ko dhah gayi thi. Yah ab tak spasht naheen huaa hai ki haadase ke din ismein kitne log maujood the. Police ne imaarat ke maalik Sohail raana aur paanch faiktriyon ke maalikon par laaparavaahi se hatya aur nirmaan kaanoonon ke ullanghan ka aarop lagaaya hai jismein adhiktam saat saal ki saja ho sakti hai. Police ke anusaar, imaarat ke maalik ne avaidh roop se teen manjilon ka nirmaan karaaya aur faiktriyon ko jenaretar lagaane ki anumati di thi. Haadase mein jinda bache kuchh logon ka aarop hai ki factory maalikon ne unhein kaam ke liye majaboor kiya jabki imaarat mein haadase se pehle badi badi daraarein dikh rahi theen. Bangladesh ne antararaashtreeya khareedadaaron aur maanavaadhikaar sangathanon ki chintaaon ko dhyaan mein rakhate hue kapadon ki 18 faiktriyon ko asthaai roop se band kiya hai.

Bangladesh Imaarat Haadase Mein Marne Vaalon Ki Sankhya 900 Pahunchi https://www.angrejinews.com/pic/8167