Bandhak Banaakar Ki Shaadi, Ladki Ne Kiya Inkaar

India »

Bandhak Banaakar Ki Shaadi, Ladki Ne Kiya Inkaar

ek samvaadadaata . Bulandashahar jahaangeeraabaad thaana kshetr ke gaanv khanapura mein ek yuvak ne naabaalig ko bandhak banaakar agni ke saat fere le liye. Baad mein kishori ke parijan bhi aa gaye. Haalaanki shaadi hone ke baad kishori ke parijanon ne virodh naheen kiya. Shaadi rachaane ke do ghante baad doolha sharaab peekar aa gaya. Dulhan ne use nashe mein dekha to uske saath rahane se mana kar diya. Haalaanki gaanv mein panchaayat ka daur chala, lekin dulhan ne panchaayat mein bhi dutkaar laga di. Soochana par pahunchi police ne doolhe ko hiraasat mein le liya hai. Khanapura nivaasi ek yuvak ki shaadi kaheen naheen ho rahi thi. Uske pados ki ek mahila ne kharcha paani lekar aajamagadh se shaadi karaane ki haami bharakar vahaan se ek kishori ko le I. Sootron ne bataaya ki kishori ko dekhkar gaanv ke kuchh logon ne khareedne ke liye boli lagaani shuroo kar di. Jis yuvak ki shaadi ke liye kishori ko laaya gaya tha usane ladki ko bandhak banaakar saat fere le liye. Shaadi ki khushi mein jhoomata huaa yuvak sharaab ke theke par gaya aur nashe mein dhut hokar dulhan ke saamane jaakar naachane laga. Dulhan ne jab use nashe mein dekha to usane saath rahane se inkaar kar diya. Sootron ne bataaya ki gaanv mein panchaayat ka daur chala lekin ladki ne kaha ki jab use bandhak banaakar shaadi ki ja rahi thi, tab panchaayat kahaan thi. Vah sharaabi ke saath naheen rah sakti. Jahaangeeraabaad police ne bandhak banaane ki soochana par aaropi doolhe ko hiraasat mein le liya hai. Thaana inchaarj hareraam Yadav ne bataaya ki dono pakshon ki rajaamandi se shaadi hui hai. Ladka sharaabi kism ka hai, shaadi ke baad vah sharaab peekar aa gaya. Usaki harkaton ko dekhkar dulhan ne life paartanar banane se mana kar diya. Donon pakshon ka thaane mein samjhauta chal raha hai.

Bandhak Banaakar Ki Shaadi, Ladki Ne Kiya Inkaar https://www.angrejinews.com/pic/7383