Ban-kantrovarsi Ke Baad 'Saadda Hak Ka Kamaal

Movies »

Ban-kantrovarsi Ke Baad 'Saadda Hak Ka Kamaal

chandra mohan sharma. . Kareeb do hafte pehle punjabi film 'Saadda hak' ke mekar ko is film ko release karne ke liye cinema hall tak naheen mil rahe the. Do maheene ki bhaag-daud ke baad praudakshan company ko cinema maalikon ki manachaahi tarms kaboolane ke baavajood mushkil se 45 cinema hi mil paae. Hairaani ki baat yah hai ki film is shukravaar ko lagbhag 90 screen par release hui hai. Kam bajat aur nai star kaast ke saath bani is punjabi film ke saath pichhle 15 dinon mein aisa kya chamatkaar huaa, jo kal tak is film se kanni kaatate kai bade maltipleks grups ne bhi ab is film ko apne thiyetaron par release kiya? Itna hi naheen, bina kisi promotion ke achaanak release hui is film ne pehle din kai gair-punjabi seintaron ke box office par mekars ki ummeedon se kahi jyaada business kar dikhaaya. Chamatkaar ban ka aakhir is film ke saath aisa kya chamatkaar huaa, jo is film ko naurth India mein release karne waali distribyootar company ke head vikaas jain ke office mein isi film ko book karne un top maltipleks samoohon ke vahi pratinidhi pahunche, jo kal tak is film ko kisi bhi keemat mein lagaane ka raaji naheen the. Bakaul vikaas jain, 15 din pehle, Punjab ke baad Delhi, Himachal aur Jammu-Kashmir ki raajya sarkaaron ne bhi kaanoon-vyavastha ki duhaai dekar apne raajyon mein is film par ban laga diya. Vikaas kehte hain ki ban ki khabar raatonraat TV channelon, news peparon aur kai social saaiton ki surkhiyaan bani. Isi beech film ki praudakshan company ne Supreme court mein is film par lage ban hataane ke liye yaachika daayar di. Is yaachika ke daayar hote hi praudakshan company aur vitrakon ke paas Delhi, Mumbai sahit kai top business seintaron ke cinema sanchaalakon ne apne thiyetaron par is film ko release karne ki ichha jataai. Supreme court ne bhi censor certificate milne ke baad raajya sarkaaron dvaara film par lagaae gaye ektarfa ban ki yaachika ki teji se sunavaai ki aur do hafte se bhi kam avadhi mein court ne is film par lage ban ko hata diya. Yah ban praudakshan company ke liye varadaan saabit huaa. Ban hatne ki khabar media milte hi kai shaharon ke cinema maalikon ne jhat distribyootar company ki manachaahi tarms kabool karke is film ko apne thiyetaron par release karne ki deal kar daali. Pehle bhi lagi lautari 70 ke dashak mein tatkaaleen sarkaar ne kissa kursi ka par ban lagaaya. Ban ke baad jab desh mein imarajeinsi lagi to is film ke master print ko jalaane ki khabar I. Imarajeinsi hatne ke baad kendra mein sattaaroodh hui sarkaar ne isi film ko dobaara banaane ke liye aarthik sahaayata di. 'Kissa kursi ka' seemit bajat aur nai star kaast ke saath dobaara banane ke baad jab release hui to ban aur vivaadon mein rahane ka seedha faayda film ko mila. Isi daur mein suchitra sen, sanjeev Kumar staarar 'Aandhi' bhi raajaneetik kaaranon se vivaadon mein ghiri aur film par ban lagne ki khabar failane ke baad film kai hafton tak cinemagharon mein haausaful rahi. Pichhle dinon kamal Hassan ki mega bajat 'Vishvaroopam' par south ke jin raajyon mein ban laga, vaheen film ne sabse jyaada business kiya.

Ban-kantrovarsi Ke Baad 'Saadda Hak Ka Kamaal https://www.angrejinews.com/pic/8565