Ballebaajon Ki Vajah Se Haare Gambhir

Cricket »

Ballebaajon Ki Vajah Se Haare Gambhir

Jaipur. . Kolkata night Riders ke kaptaan Gautam gambhir ne Rajasthan Royals ke haathon IPL mein 19 run se mili haar ke liye apne ballebaajon ko doshi thaharaate hue kaha ki lagaataar wicket ganvaane ka khaamiyaaja unhein bhugatna pada. Gambhir ne kaha, 'Ham lagaataar wicket ganvaate rahe. 144 run par Royals ko rokakar hamaare geindabaajon ne achha kaam kiya. Yah wicket achha tha aur ham lakshya haasil kar sakte the. 'Padhein khabar: Rajasthan ne kekeaar ko pachhaada unhonne kaha, 'Humne kharaab shot khele aur wicket ganvaate rahe. Koi badi saajhedaari naheen ban saki. ' unhonne haalaanki tej geindabaaj bret li ki taareef karte hue kaha, 'Jis tarah se bret ne aaj geindabaaji ki, vah hamaare liye achha sanket hai. Ummeed hai ki aage bhi isi tarah ki pitchein milti raheingi. ' gambhir ne kaha, 'Humne tournament ke pichhle charan mein champion banane ke liye kadi mehnat ki thi. Main kahoonga ki ham champion ki tarah naheen khele. Ham ab Bengaluru ke liye ravaana honge. ' unhonne kaha, 'Main hamesha ballebaajon ko sakaaraatmak bane rahane ke liye kehta hoon aur nidr hokar satark cricket khelne ke liye kehta hoon. Ham shuroo mein chhah saat wicket naheen ganva sakte aur iske baad jeet ki ummeed naheen kar sakte.

Ballebaajon Ki Vajah Se Haare Gambhir https://www.angrejinews.com/pic/4981