Ballebaajon Aur Richardson Ne Australia Ko Jeet Dilaai

Cricket »

Ballebaajon Aur Richardson Ne Australia Ko Jeet Dilaai

Sydney, 12 January (bhaasha) ballebaajon ke umda pradarshan ke baad jhaaya Richardson ki toofaani geindabaaji se Australia ne pehle ekadivseeya match mein shanivaar ko yahaan Bhaarat ko 34 run se haraakar antararaashtreeya cricket mein 1000veen jeet darj ki. Australia ke 289 run ke lakshya ka peechha karte hue bhaarateeya team Richardson (26 run par chaar wicket) ki dhaaradaar geindabaaji ke saamane rohit sharma (133) ke 22vein shatak ke baavajood nau wicket par 254 run hi bana saki. padaarpan kar rahe Jason beharenadord ne 39 jabki maarkas stoinis ne 66 run dekar do-do wicket chatakaae. rohit ne 129 geind ki apni paari mein 10 chauke aur chhah chhakke maare. Unhonne Mahendra Singh Dhoni (51) ke saath chauthe wicket ke liye us samay 137 run ki saajhedaari ki jab Bhaarat chaar run par teen wicket ganvaane ke baad sankat mein tha. Bhaarateeya team haalaanki is kharaab shuruaat se naheen Uber saki aur run gati ke lihaaj se kabhi lakshya haasil karne ke kareeb naheen dikhi. isse pehle Australia ne Peter haindsakonb (73), usmaan khwaaja (59) aur shaan marsh (54) ke ardhashatak se paanch wicket par 288 run banaae. haindsakonb ne 61 geind ki apni paari mein chhah chauke aur do chauke maare. Unhonne stoinis (43 geind mein naabaad 47, do chhakke, do chauke) ke saath paanchavein wicket ke liye 68 run ki saajhedaari bhi ki jisse team antim saat over mein 80 run jodne mein safal rahi. Bhaarat ki over se Kuldeep Yadav ne 54 jabki bhuvaneshvar Kumar ne 66 run dekar do wicket chatakaae. Ravindra jadeja ne 48 run dekar ek wicket haasil kiya. Mohammad shami ne 10 over mein sirf 46 run kharch kiye lekin unhein koi wicket naheen mila. February 2017 se 24 ekadivseeya maichon mein yeh Australia ki sirf chauthi jeet hai. lakshya ka peechha karne utare Bhaarat ki shuruaat behad kharaab rahi aur usane chauthe over mein chaar run tak hi teen wicket ganva diye. beharenadorf ne pehle over ki antim geind par shikhar dhavan (00) ko pagbaadha kiya jabki Richardson ne apne doosare over mein viraat Kohli (03) ko stoinis ke haathon catch karaane ke baad Ambati raayudoo (00) ko pagbaadha kiya. Raayudoo ne deeaaraes ka bhi sahaara liya lekin unhein pavilion lautana pada. salaami ballebaaj rohit 17 geind tak khaata naheen khol paae. Unhonne free hit par chhakke ke saath 18veen geind par khaata khola. Dhoni ne ek run banaate hi ekadivseeya antararaashtreeya cricket mein Bhaarat ke liye 10000 run poore kiye. Dhoni ne 173 run Asia ekaadash ki or se bhi banaae hain. Bhaarat ne shuruaati 10 over mein teen wicket par 21 run banaae. rohit ne iske baad Peter sidl par chhakka jada jo 2010 ke baad pehla one-day khel rahe the. Dhoni ne bhi Nathan Leon ki geind ko darshakon ko beech pahunchaaya. rohit ne Leon par chhakke ke saath 17vein over mein team ka score 50 run ke paar pahunchaaya jabki Dhoni ne 21vein over mein sidl par paari ka pehla chauka jada. Dhoni 25 run ke score par bhaagyashaali rahe jab stoinis ki geind par sidl unka catch lapakane mein naakaam rahe. rohit ne sidl par apna pehla chauka jada aur fir Maxwell par chauke ke saath 62 geind mein ardhashatak poora kiya. Dhoni ne stoinis par chauke ke saath 93 geind mein ardhashatak poora kiya lekin iske baad beharenadorf ki geind par pagabadha ho gaye. Reeple mein haalaanki dikha ki geind leg side ke baahar pitch hui thi lekin Bhaarat ke paas deeaaraes naheen tha. Dhoni ne 96 geind ka saamana karte hue teen chauke aur ek chhakka maara. rohit 39vein over mein sidl par teen chaukon ke saath 98 run tak pahunche lekin dinesh kaartik (12) Richardson ki geind ko wicketon par khel gaye. rohit ne Richardson ki geind par do run ke saath 110 geind mein shatak poora kiya aur fir Leon par chhakke ke saath 43vein over mein score 200 run ke paar pahunchaaya. Bhaarat ko antim chhah over mein 76 run ki darkaar thi. Ravindra jadeja (08) ne Richardson ki geind par marsh ko catch thamaaya. rohit bhi iske baad stoinis ki geind par deep mid-wicket par Maxwell ko catch de baithe jisse Bhaarat ki jeet ki rahi sahi ummeed bhi khatm ho gayi. Bhuvaneshvar 29 run banaakar naabaad rahe. isse pehle Australia ne taas jeetkar ballebaaji karne ka faisala kiya lekin teesare over mein hi bhuvaneshvar ne kaptaan Aaron finch (11) ko bold karke 100vaan wicket haasil kiya. salaami ballebaaj Alex kairi (24) ne kuchh aakarshak shot khele lekin 10vein over mein Kohli ne jab geind Kuldeep Yadav ko thamaai to kairi is chaainaamain spinner spinner par chauka jadne ke baad slip mein rohit ko catch de baithe. khwaaja aur marsh ne 92 run jodkar paari ko sanvaara. Khwaaja ne jadeja par chauke ke saath 23vein over mein team ka score 100 run ke paar pahunchaaya aur fir khaleel ki geind par ek run ke saath 70 geind mein ardhashatak poora kiya. Vah haalaanki iske baad adhik der naheen tik sake aur jadeja ki geind ko sweep karne ki koshish mein pagbaadha ho gaye. Unhonne 81 geind ka saamana karte hue chhah chauke maare. marsh ko haindsakonb ke roop mein umda jodeedaar mila. Donon ne run gati mein ijaafa kiya. Haindsakonb ne bhuvaneshvar par lagaataar do chauke maare jabki marsh ne khaleel par chauke ke saath 65 geind mein ardhashatak poora kiya. Kohli ne ek baar fir saajhedaari todne ke liye Kuldeep par bharosa kiya aur is spinner ne marsh ko laang aan par shami ke haathon catch karaake chauthe wicket ki 53 run ki saajhedaari ka ant kiya. Marsh ne 70 geind ka saamana karte hue chaar chauke maare. haindsakonb ne stoinis ke saath milkar 42vein over mein team ka score 200 run ke paar pahunchaaya. Is beech 45 geind tak koi baaundri naheen lagi. Stoinis ne Kuldeep par chhakke ke saath baaundri ke sookhe ko khatm kiya. haindsakonb ne bhi isi over mein chhakke ke saath sirf 50 geind mein ardhashatak poora kiya. haindsakonb ne bhuvaneshvar ke over mein do chauke maare. Is tej geindabaaj ke agale over mein vah haalaanki bhaagyashaali rahe jab faain leg par geind raayudoo ke haath se takaraakar chhah run ke liye chali gayi. Vah haalaanki agali hi geind par eksatra kavar par dhavan ko catch de baithe. stoinis ne bhuvaneshvar ke paari ke antim over mein chhakka aur chauka jada. Glen Maxwell 11 run banaakar naabaad rahe.

Ballebaajon Aur Richardson Ne Australia Ko Jeet Dilaai https://www.angrejinews.com/pic/247330