Balaraamapur Mein Car Taalaab Mein Giri, 3 Bachchon Ki Maut

India » Thursday, April 18, 2013

vishesh samvaadadaata. Lucknow : Uttar pradesh mein balaraamapur jile ke dehaat kshetr mein cycle savaar ko bachaane ki koshish mein ek car aniyantrit hokar taalaab mein gir gayi, jisse usamein savaar 3 bachchon ki maut ho gayi aur 3 anya log jakhmi ho gaye. Vaheen aajamagadh jile ke sidhaari kshetr mein mangalvaar ko ek mahila apne 2 beton ko saath lekar chalti train ke aage kood gayi, jisse teenon ki maut ho gayi. Police sootron ke anusaar gonda ke nivaasi bi. N. Mishr apne parivaar ke saath deveepaatan mandir se darshan kar somvaar ki shaam car se laut rahe the. Chakava gaanv ke paas ek cycle savaar ko bachaane ki koshish mein car aniyantrit hokar sadak ke kinaare gahre taalaab mein ja giri. Aaspaas maujood graameenon ne taalaab mein utarakar bi. N. Mishr, unki patni nisha aur bete sachin ko to baahar nikaal liya, lekin unke teen anya bachche, Honey, shivaani aur shivm car mein fanse rahane ke kaaran doob gaye. Gotaakhoron ki madad se der raat shivm ka shav baraamad kar liya, jabki baaki donon shavon ki talaash ki ja rahi hai. Vaheen sidhaari thaana kshetr sthit dugadugava railway kraasing ke paas jahaanaaganj kshetr ke jalaalapur gaanv ki nivaasi archana devi apne 2 beton saahil aur sameer ko lekar saabaramati express ke saamane kood gayi, jisse train se katakar teenon ki maut ho gayi. Mauke se ek 'Susaaid not' mila hai, jismein mahila ne likha hai ki vah parivaar mein roj-roj hone vaale jhagadon se tang aakar apne beton samet khudakushi kar rahi hai.