Balaatkaariyon Ko Mile Sakht Saja Shivpaal

India »

Balaatkaariyon Ko Mile Sakht Saja  Shivpaal

bhaasha . Chandauli uttar pradesh ke lokanirmaan mantri shivpaal Singh Yadav ne Delhi aur Aligadh mein bachchiyon ke saath hui balaatkaar ki ghatnaaon ko jaghanya aparaadh bataate kaha hai ki donon hi maamalon mein doshiyon ko sakht se sakht saja milni chaahiye. Shivpaal ne somvaar ko yahaan kaha ki Delhi aur Aligadh mein hue balaatkaar ki ghatnaaen sharmanaak hain aur doshiyon ko sakht saja dilaaye jaane ke saath hi saamaajik soch mein bhi badlaav ki disha mein kadam uthaaye jaane chaahiye. Jisse bhavishya mein aisi ghatnaaon par rok lagaai ja sake. Unhonne pradesh mein kathit taur par bigdti kaanoon evam vyavastha ke baare mein daava kiya ki sthiti dinon din behtar ho rahi hai aur kaanoon ke saath khilvaad karne vaale kisi bhi vyakti ko bakhsha naheen jaaega. Shivpaal ne yah bhi daava kiya ki aagaami Loksabha chunaav mein samaajavaadi party pradesh mein sabse badi party bankar ubharegi aur kendra mein bina uske samarthan ke koi bhi sarkaar ban naheen paaegi. Unhonne kendra mein sattaaroodh UPA sarkaar par nishaana saadhate hue kaha ki badhti mahangaai, bade paimaane par bhrashtaachaar aur ghotaalon se janta ke man mein gahra aakrosh hai aur Loksabha ke chunaav kabhi bhi ho sakte hai. Iske liye SP taiyaar hai. Yah poochhe jaane par ki samaajavaadi party ne kendra mein UPA sarkaar ko samarthan kyon jaari rakha hai, Yadav ne kaha ki kanedr sarkaar SP ke samarthan ke bina bhi chal sakti hai.

Balaatkaariyon Ko Mile Sakht Saja Shivpaal https://www.angrejinews.com/pic/6466