Bajat Session Ka Doosra Daur Aaj Se, Sarkaar Ke Saamane Hongi Kai Chunautiyaan

Breaking »

Bajat Session Ka Doosra Daur Aaj Se, Sarkaar Ke Saamane Hongi Kai Chunautiyaan

Pramukh samvaadadaata. . Nai Delhi. . Aaj se shuroo ho rahe sansad ke bajat satr ke doosare daur mein ek baar fir UPA sarkaar ke saamane kai tarah ki chunautiyaan hongi. Is session ke dauraan jahaan sarkaar ko kuchh aham bill paas karaane hain, vaheen use kuchh vivaadit muddon par vipaksh ke teekhe tevar bhi jhelne honge. NDA ne apni mansha jaahir bhi kar di hai. Aise mein agale ek maheene mausam ki tarah siyaasat ke paare ke bhi garm rahane ki sambhaavana hai. Tamaam dalon ki or se October mein chunaav hone ki sambhaavana jaahir karne ke baad sansad session ke dauraan raajaneetik uthaapatak dekhne ko mil sakti hai. Ikaunami se jude bilon par rahegi najar kamjor ho chuki ikaunami ko taunik dene vaale kuchh peinding bilon ko paas karaane ke liye poora jor laga rahi hai. Finance ministar niveshakon ko lubhaane ke liye duniya ke daure par hain. Vaheen, yahaan sarkaar in bilon ko paas karaane ke liye vipaksh se bhi lagaataar sampark mein hai. Inshyoreins bill, peshan bill aur land bill par baajaar ki najar rahegi. Agar ye teenon paas ho gaye to aathirk morche par positive asar dekhne ko mil sakte hain. Sarkaar ko isi session mein finance bill bhi paas karaana hai. Number game fir hoga aham sarkaar Rajyasabha mein pehle se hi alpamat mein hai vaheen Loksabha mein DMK ki or se support vaapas liye jaane se vahaan bhi mushkilein badhi hain. Aise mein number game fir aham hone vaala hai aur sarkaar ko mulaayam Singh aur maayaavati se ek baar fir ummeed rahegi. Lekin haal mein jis tarah mulaayam Singh sarkaar par hamlaavar rahe hain aise mein unka sansad ke andar rukh dekhna dilchasp hoga. JDU Bihar ko vishesh raajya ka darja diye jaane ki maang sansad mein uthaaega aur sarkaar use kis tarah se deal karti hai usase bhi raajaneetik sandesh jaaega. Sarkaar ke saamane aham chunauti -land bill ko sansad mein paas karaana -food security ko bill ko paas karna jise sarkaar agale aam chunaav mein chunaavi hathiyaar ke roop mein istemaal karne ka mansha rakhati hai -inshyoreins bill ko paas karaana. Sarkaar ko gherega vipaksh -jauint paarliyaameint committee (JPC) ki report leek hone aur ismein pradhaanamantri Manmohan Singh aur vitt mantri pi. Chidambaram ko clean chit diye jaane ke maamale par. -kolaget maamale mein CBI par report badalavaane ke liye kaanoon mantri ki or se dabaav diye jaane ki khabaron par vipaksh sarkaar ko gherega. -Delhi rape ke baad upaji kaanoon vyavastha aur Delhi police ke kaamkaaj par bhi savaal uthaae jaaenge.

Bajat Session Ka Doosra Daur Aaj Se, Sarkaar Ke Saamane Hongi Kai Chunautiyaan https://www.angrejinews.com/pic/6318