Bajat Se Pehle FII Ki Tech It Iji Paulisi

Business »

Bajat Se Pehle FII Ki Tech It Iji Paulisi

[ nishaant vaasudevan | Mumbai ] videshi niveshak kah rahe the ki Narendra Modi ke pradhaanamantri banane par Indian ikanaumi ki soorat badal jaaegi. Chunaav prachaar ke dauraan isi ummeed mein unke nivesh ke chalte share baajaar nae peek par pahunch gaya tha, lekin nai sarkaar ke kaamkaaj sambhaalne ke baad se unhonne baajaar mein jyaada paisa naheen lagaaya hai. Baajaar mein haaliya teji ke baad se fauren insteetyooshanal inavestars ne kuchh samay ke liye apne haath rok liye hain. Pichhle 8 trading sessions mein se 6 mein unhonne market mein net seling ki hai. Modi ke pichhle hafte cabinet ke ailaan ke baad se ve market mein bikvaali kar rahe hain. Pichhle 8 trading sessions mein FII ne kareeb 2,400 karod rupaye baajaar mein lagaae hain. Shukravaar ko 2,980 karod rupaye ki khareedaari ka ismein aham rol raha hai. Agar ise hata dein to FII ne pichhle 7 trading sessions mein 550 karod rupaye ki seling ki hai. Brokers ka kehna hai ki shukravaar ki khareedaari mein emaesaseeaai index mein somvaar se hone vaale badlaav ka bada rol hai. Emaesaseeaai index mein bhaarateeya companiyon ke badle vetej ke hisaab se FII ne apna portfolio badla hai. Bank of America meril linch ke mainejing director aur ikviti sales trading ke head saumil shaah ne bataaya, 'FII praufit booking kar rahe hain kyonki market par positive khabaron ka asar pehle hi pad chuka hai. Haal mein jyaadaatar videshi nivesh chunaavi nateejon ke anumaan ke aadhaar par hua tha. ' is saal dollar mein share baajaar ne 20 parseint ka return diya hai. Vaheen Brazil mein yeh 5 parseint aur south Korea mein 2.2 parseint raha hai. Cheen aur roos ke share baajaar ne to is saal negetiv return diya hai. Is saal FII ne bhaarateeya share baajaar mein 48,000 karod ka inavestameint kiya hai. Haal mein unhonne iske mukaabale bahut maamooli rakam nikaali hai. Brokers ka kehna hai ki FII dekhna chaahate hain ki nai sarkaar ikanaumik growth tej karne ke liye kya kadam uthaati hai. Uske baad hi ve fir se nivesh shuroo kareinge. Bhaarat ki GDP growth 2014 mein 4.7 parseint rahi. Yeh lagaataar doosra saal hai, jab GDP growth 5 parseint se kam rahi hai. Mahangaai ab bhi kaafi jyaada hai aur sarkaar par fiscal defisit ko kaaboo mein rakhane ka dabaav bhi hai. Isliye uske liye ikanaumik growth tej karna chunauti hogi. Shaah ne kaha, 'FII ab paulisi par pahal ka intajaar kar rahe hain. Bajat mein sarkaar kai paulisi ailaan kar sakti hai. ' maana ja raha hai ki July ke pehle hafte mein bajat pesh kiya jaaega. Brokers ka kehna hai ki is saal jyaadaatar videshi nivesh exchange traded fands ya hej fands ki or se aaya hai. Ab tak lambe samay ke liye paisa lagaane vaale peinshan fands Bhaarat mein naheen laute hain. 2005 se 2007 ke beech in fands ne kaafi paisa Bhaarat mein lagaaya tha. Haalaanki UPA 2 sarkaar ke dauraan ikanaumik slodaaun ke chalte unhonne yahaan se paisa nikaal liya tha.

Bajat Se Pehle FII Ki Tech It Iji Paulisi https://www.angrejinews.com/pic/52508