Bajat Satr Ke Dauraan Telangaana Par Faisale Ke Aasaar Naheen

Breaking »

Bajat Satr Ke Dauraan Telangaana Par Faisale Ke Aasaar Naheen

Nai Delhi: Telangaana samarthak samoohon ke dabaav ke baavajood sansad ke chaaloo bajat satr ke dauraan kendra sarkaar ki or se pruthak raajya ki maang par koi faisala kiye jaane ke aasaar naheen hai. Sansad ka bajat satr 10 May tak chalega. Sarkaar ke ek padaadhikaari ne kaha ki sarkaar air Congress party mein vichaar-vimarsh chal raha hai isliye bajat satr mein koi faisala hone ke aasaar naheen hain. Unhonne kaha ki sarkaar vartamaan satr mein mahatvapoorn vitteeya kaamkaaj niptaane ki koshish karegi aur ismein koi vyavadhaan naheen chaahegi. Is padaadhikaari ne kaha 'Hamein varsh 2014 mein hone ja rahe Loksabha chunaavon se pehle faisala karna hi hoga. Lekin ham is samvedansheel mudde par aise samay par faisala naheen kar sakte jab satr chal raha ho kyonki isse sansad mein vyavadhaan ho sakta hai. ' sarkaar ko yah bhi chinta hai ki jaldabaaji mein telangaana par faisala karne se desh ke anya bhaagon se uth rahi pruthak raajyon ki maang tej ho jaaegi. Haal hi mein gorakha mukti morcha ne sarkaar se kaha tha ki agar vah pruthak telangaana ke gathan par vichaar kar rahi hai to use gorakhaalaind raajya ki unki maang par vichaar karna chaahiye. Baharahaal, pruthak telangaana ki vakaalat karte hue raakaampa pramukh aur krushi mantri sharad Pawar ne pradhaanamantri se kaha ki maamale mein der karna theek naheen hoga.

Bajat Satr Ke Dauraan Telangaana Par Faisale Ke Aasaar Naheen https://www.angrejinews.com/pic/2712