Bajat Satr Aaj Se, PM Ne Vipaksh Se Saarthak Bahas Ki Appeal Ki

Breaking »

Bajat Satr Aaj Se, PM Ne Vipaksh Se Saarthak Bahas Ki Appeal Ki

Nai Delhi: Sansad ke bajat satr ki shuruaat se pehle pradhaanamantri Manmohan Singh ne vipaksh se saarthak aur jimmedaar bahas ki appeal karte hue kaha, ham sansad ke atyadhik saarthak evam sakaaraatmak satr ki ummeed karte hain. Pradhaanamantri ne kaha, sansad mein hamaara aacharan kathin chunautiyon se nipatne mein desh ki kshamata ka mahatvapoorn nirdhaarak hoga. Raashtrapati ke abhibhaashan ke saath shuroo ho rahe is satr mein is baar bahut adhik vidhaayi kaarya hona hai. Ismein teen adhyaadeshon ko manjoori ke alaava 16 vidheyak pesh kiye jaane hain aur 35 vidheyak paarit karaane hain. Inmein raashtreeya khaadya suraksha vidheyak, aaparaadhik kaanoon sanshodhan vidheyak, pronnati mein anusoochit jaati evam janajaati ke logon ko kota sambandhi vidheyak, kaaryasthal par mahilaaon ka yaun utpeedn rokane sambandhi vidheyak shaamil hain. Sadan mein 26 February ko rel bajat aur 28 February ko aam bajat pesh kiya jaaega. Railmantri pavan Kumar bansal rel bajat, to vittamantri pi Chidambaram aam bajat pesh kareinge. 27 February ko aarthik sameeksha sadan mein rakhi jaaegi. Iske alaava Jharkhand ke bajat ko bhi manjoori di jaaegi, jahaan is samay raashtrapati shaasan chal raha hai. Bajat satr mein vipaksh ke helicopter saude aur mahangaai jaise ko mudde jor-shor se uthaane ki ghoshana ke baad iske hangaami rahane ki aashanka hai. Haalaanki sarkaar ne vipaksh se maan-munavval ke prayaas mein kaha hai ki sabhi muddon par charcha aur helicopter ghotaale ki vah kisi bhi tarah ki jaanch karaane ko taiyaar hai. Sarkaar ne gruhamantri susheel Kumar shinde ki bhagava aatank ko lekar ki gayi tippani ke kaaran BJP se takaraav ke aasaar ko taal diya. Shinde ne apni is tippani par Budhvaar raat khed prakat karte hue kaha ki unka kisi ko thes pahunchaane ya aatank ko kisi dharm se jodne ka koi iraada naheen tha. Loksabha mein vipaksh ki neta BJP ki Sushma Swaraj ne sansad ko suchaaroo roop se chalaane ki poorv shart rakhi thi ki shinde apni tippani vaapas lein aur maafi maangein. Shinde ne kathit roop se kaha tha ki BJP aur RSS ke shiviron mein hindu aatanki prashikshan diya jaata hai. BJP ne shinde ke bayaan ka svaagat kiya, lekin saath hi kaha ki yah kadam der se uthaaya gaya hai. BJP ne kaha ki vah is mudde ko yaheen khatm karti hai aur ab ise sansad mein naheen uthaaegi.

Bajat Satr Aaj Se, PM Ne Vipaksh Se Saarthak Bahas Ki Appeal Ki https://www.angrejinews.com/pic/2473